پرەزيدەنت: ۇكىمەت پەن اكىمدەر جۇمىسىنىڭ تيىمدىلىگىن ازاماتتاردىڭ تۇرمىس ساپاسىنا قاراي باعالايمىز

استانا. KAZINFORM - مەملەكەت باسشىسى قاسىم-جومارت توقايەۆ ۇكىمەتتىڭ كەڭەيتىلگەن وتىرىسىن اشا وتىرىپ، الەمدەگى كۇردەلى احۋالعا توقتالدى.

Үкіметтің отырысы, Президент
Фото: Kazinform

- بۇگىن ءبىز ۇكىمەتتىڭ كەڭەيتىلگەن وتىرىسىندا وتە وزەكتى ماسەلەلەرگە توقتالامىز. سەبەپ - بارىمىزگە بەلگىلى. قازىر دۇنيە ءجۇزى تۇبەگەيلى وزگەرىسكە ۇشىراپ جاتىر. جاھاندىق ۇدەرىستەر، ەڭ الدىمەن، ەلىمىزدىڭ ەكونوميكالىق احۋالىنا اسەرىن تيگىزەتىنى انىق.

جاپپاي سيفرلاندىرۋ ءداۋىرى، ياعني جاڭا تەحنولوگيالىق كەزەڭ باستالدى. كۇللى الەم مۇلدەم باسقا جاعدايدا ءومىر سۇرەدى. ءبىز سوعان مىندەتتى تۇردە دايىن بولۋىمىز كەرەك. جاڭا تەحنولوگيالىق احۋالعا ساقاداي ساي تۇرۋىمىز قاجەت. بۇل - ەلىمىزدىڭ باسەكەگە قابىلەتىن ارتتىرىپ، تۇراقتى دامۋىنا جول اشاتىن اسا ماڭىزدى فاكتور، - دەدى پرەزيدەنت.

قاسىم-جومارت توقايەۆ ۇكىمەت بۇگىنگى وتىرىستا ۇكىمەت الدىندا تۇرعان جاڭا مىندەتتەر ايقىندالاتىنىن اتاپ ءوتتى.

- ۇكىمەت پەن اكىمدەردىڭ جۇمىسى قانشالىقتى ءتيىمدى ەكەنىن الدىمەن ەكونوميكانىڭ دامۋ كورسەتكىشتەرى مەن ازاماتتاردىڭ تۇرمىس ساپاسىنا قاراي باعالايمىز. وسى جۇمىستىڭ ناتيجەسى بىلتىر قانداي بولدى؟ نەگىزگى مىندەتتەر ورىندالدى ما؟ بۇگىن وسى سۇراقتارعا توقتالامىز جانە جاقىن ارادا شەشىمىن تابۋعا ءتيىس وزەكتى ماسەلەلەردى تالقىلايمىز، - دەدى مەملەكەت باسشىسى.

ايتا كەتەيىك ەلوردادا پرەزيدەنت قاسىم-جومارت توقايەۆتىڭ توراعالىعىمەن ۇكىمەتتىڭ كەڭەيتىلگەن وتىرىسى ءوتىپ جاتىر.

سوڭعى جاڭالىقتار