پرەزيدەنت جانىنداعى كوميسسيا كارىم ماسىموۆكە كەشىرىم بەرمەۋدى ۇسىندى

Президент жанындағы комиссия Кәрім Мәсімовке кешірім бермеуді ұсынды
Коллаж: Kazinform

استانا. KAZINFORM - پرەزيدەنت جانىنداعى ازاماتتارعا كەشىرىم جاساۋ جونىندەگى كوميسسيانىڭ ءتوراعاسى مارات ءباشىموۆ Kazinform تىلشىسىنە تەلەفون ۇلتتىق قاۋىپسىزدىك كوميتەتىنىڭ بۇرىنعى ءتوراعاسى كارىم ماسىموۆكە كەشىرىم بەرۋدەن باس تارتۋ جونىندە ۇسىنىم قابىلداعاندارىن راستادى.

ايتا كەتۋ كەرەك، بۇل تۋرالى ءماجىلىس دەپۋتاتتارى Facebook-تەگى پاراقشالارىندا جازعان بولاتىن.

«پرەزيدەنت جانىنداعى ازاماتتارعا كەشىرىم جاساۋ جونىندەگى كوميسسيا كارىم ماسىموۆكە كەشىرىم بەرۋدەن باس تارتتى»، - دەپ جازدى ابزال قۇسپان.

ءدال وسىنداي مالىمەتتى ءماجىلىستىڭ تاعى ءبىر دەپۋتاتى مارات ءباشىموۆ Facebook-تە جازدى.

«كەشىرىم جاساۋ جونىندەگى كوميسسيا ءوتتى. كوميسسيانىڭ سوڭعى وتىرىسىندا كەشىرىم بەرۋ تۋرالى كەيبىر ماتەريالدار الدىن الا قارالدى. مەرزىمدى ەكى جىلعا قىسقارتۋ جولىمەن كەيبىر وڭ ۇسىنىمدار قارالدى. جۋرناليستەردىڭ ك. ماسىموۆكە كەشىرىم بەرۋ تۋرالى سۇراعىنا ايتارىم، كوميسسيا ونىڭ وتىنىشىنەن باس تارتۋدى ۇسىندى»، - دەپ جازدى زاڭگەر دەپۋتات.

مارات ءباشىموۆ - اتالعان كوميسسيانىڭ ءتوراعاسى. دەپۋتات Kazinform تىلشىسىنە كوميسسيانىڭ ۇسىنىمى تۇپكىلىكتى شەشىم ەمەس ەكەنىن ايتتى.

«كونستيتۋتسيانىڭ 44-باپتىڭ 15-تارماعىن قاراساڭىزدار، ايتىلعان. ازاماتتارعا كەشىرىم بەرۋ تۋرالى تۇپكىلىكتى شەشىمدى پرەزيدەنت قابىلدايدى. ءبىز كارىم ءماسىموۆتىڭ كەشىرىم بەرۋ تۋرالى ءوتىنىشىن كوميسسيانىڭ سوڭعى وتىرىسىندا وزگە دە بىرنەشە ماسەلەمەن بىرگە قارادىق جانە كەشىرىم بەرۋدەن باس تارتۋ تۋرالى ۇسىنىم قابىلدادىق. پرەزيدەنت تۇپكىلىكتى شەشىم قابىلداعان كەزدە وسى ۇسىنىمدى دا ەسكەرەدى»، - دەدى مارات ءباشىموۆ.

سوڭعى جاڭالىقتار