پرەزيدەنت جاڭا جىلدى قالاي قارسى الادى

استانا. KAZINFORM - ق ر پرەزيدەنتىنىڭ كەڭەسشىسى - باسپا ءسوز حاتشىسى بەرىك ءۋالي مەملەكەت باسشىسى جاڭا جىلدى قالاي قارسى الاتىنىن ايتىپ بەردى.

- مەملەكەت باسشىسى جاڭا جىلدى ەلىمىزدىڭ ميلليونداعان ازاماتتارى سەكىلدى ءوز شاڭىراعىندا، تۋىستارىمەن بىرگە مەرەكەلىك داستارقان باسىندا قارسى الادى. پرەزيدەنتتىڭ جاڭا جىلدا شەتەلگە شىعۋ نەمەسە دەمالۋ تۋرالى جوسپارى جوق. قاسىم-جومارت كەمەل ۇلىنىڭ دەمالىسقا ۋاقىتى تاپشى دەۋگە بولادى. پرەزيدەنت مەرەكە كۇندەرى دە جۇمىس ىستەيدى، قۇجاتتار قارايدى، - دەدى بەرىك ءۋالي.

ەسكە سالا كەتەيىك، پرەزيدەنتتىڭ جاڭا جىلمەن قۇتتىقتاۋىن Jibek Joly ەفيرىنەن كورۋگە بولادى.