پرەزيدەنت شاڭحاي ىنتىماقتاستىق ۇيىمىنىڭ باس حاتشىسى نۇرلان ەرمەكبايەۆتى قابىلدادى
استانا. KAZINFORM - مەملەكەت باسشىسى شاڭحاي ىنتىماقتاستىق ۇيىمىنىڭ باس حاتشىسى نۇرلان ەرمەكبايەۆتى قابىلدادى. بۇل تۋرالى اقوردا ءمالىم ەتتى.
پرەزيدەنتكە ش ى ۇ-نىڭ قازىرگى قىزمەتى مەن باسىم باعىتتارى جونىندە اقپارات بەرىلدى.
قاسىم-جومارت توقايەۆ ۇيىمنىڭ ەرەكشەلىگىنە توقتالىپ، ونىڭ ساياسي، ەكونوميكالىق جانە مادەني سالالارداعى ءوزارا ىقپالداستىقتى ارتتىرۋدا الەۋەتى زور ەكەنىن اتاپ ءوتتى. پرەزيدەنتتىڭ ايتۋىنشا، ايماقتىق جانە جاھاندىق قاۋىپسىزدىكتى قامتاماسىز ەتۋ ماسەلەسىنە باسا نازار اۋدارىلادى.
مەملەكەت باسشىسى ۇيىمنىڭ جۇمىسىن ودان ءارى جەتىلدىرۋ، حالىقارالىق بىرلەستىكتەرمەن بايلانىسىن جانداندىرۋ، سونداي-اق قازاقستاننىڭ ۇسىنىسىمەن ش ى ۇ-دا قابىلدانعان ء«ادىل الەم، كەلىسىم جانە دامۋ جولىنداعى جاھاندىق بىرلىك تۋرالى» باستامانى ىلگەرىلەتۋ ماڭىزدى ەكەنىن جەتكىزدى.
شانحاي ىنتىماقتاستىق ۇيىمىنا مۇشە مەملەكەتتەر باسشىلارى كەڭەسىنىڭ شەشىمىمەن نۇرلان ەرمەكبايەۆ 2025 -جىلدىڭ 1-قاڭتارىنان باستاپ ش ى ۇ باس حاتشىسى قىزمەتىنە كىرىسكەن بولاتىن.
ەسكە سالا كەتەيىك، بۇعان دەيىن مەملەكەت باسشىسى قاسىم-جومارت توقايەۆ «انا ءتىلى» گازەتىنە سۇحبات بەرگەنىن جازعان بولاتىنبىز.
