08:55, 12 - ناۋرىز 2025 | GMT +5
پرەزيدەنت داريعا تىلەنديەۆانىڭ تۋعان-تۋىستارى مەن جاقىندارىنا كوڭىل ايتتى
استانا. KAZINFORM - كەشە نۇرعيسا تىلەنديەۆتىڭ جارى، بەلگىلى مادەنيەت قايراتكەرى داريعا تىلەنديەۆانىڭ دۇنيەدەن وتكەنى بەلگىلى بولدى.
- پرەزيدەنت قاسىم-جومارت توقايەۆ ايگىلى كومپوزيتور، «وتىرار سازى» ۇلت اسپاپتارى اكادەميالىق وركەسترىنىڭ نەگىزىن قالاۋشى نۇرعيسا تىلەنديەۆتىڭ جارى، بەلگىلى مادەنيەت قايراتكەرى داريعا تىلەنديەۆانىڭ دۇنيەدەن وتۋىنە بايلانىستى تۋعان-تۋىستارى مەن جاقىندارىنىڭ قايعىسىنا ورتاقتاسىپ، كوڭىل ايتتى، - دەلىنگەن اقوردانىڭ باسپا ءسوز قىزمەتى تاراتقان اقپاراتتا.
ەسكە سالساق، قازاقستان رەسپۋبليكاسىنىڭ ەڭبەك سىڭىرگەن ءارتىسى، اكتريسا، كومپوزيتور داريعا تىلەنديەۆا 79 جاسقا قاراعان شاعىندا كوز جۇمدى.
