پرەزيدەنت CNPC كومپانياسى ديرەكتورلار كەڭەسىنىڭ ءتوراعاسى داي حوۋلياندى قابىلدادى

 مەملەكەت باسشىسى قاسىم- جومارت توقايەۆ CNPC كومپانياسى ديرەكتورلار كەڭەسىنىڭ ءتوراعاسى داي حوۋلياندى قابىلدادى، دەپ حابارلايدى قازاقپارات.

Президент
Фото: Фото: Ақорда

كەزدەسۋ بارىسىندا قازاقستان مەن China National Petroleum Corporation (CNPC) كومپانياسىنىڭ مۇناي- گاز سالاسىنداعى ىنتىماقتاستىعىنىڭ پەرسپەكتيۆاسى تالقىلاندى.

قاسىم- جومارت توقايەۆ داي حوۋليانعا كومىرسۋتەگى كەن ورىندارىن بارلاۋ جانە ءوندىرۋ جۇمىستارىن جالعاستىرۋدىڭ ماڭىزدىلىعىن ايتىپ، شىمكەنت مۇناي وڭدەۋ زاۋىتىنىڭ وندىرىستىك قۋاتىن ارتتىرۋ جونىندەگى جوبانىڭ ەلىمىز ءۇشىن ءمانى زور ەكەنىن اتاپ ءوتتى.

سونىمەن قاتار كەزدەسۋدە قىتايعا گاز ەكسپورتتاۋعا جانە بەينەۋ - بوزوي - شىمكەنت جاڭا گاز قۇبىرىنىڭ جەلىسىن سالۋ جوباسىنا، سونداي- اق قازاقستان مۇنايىنىڭ قحر- عا ەكسپورت كولەمىن ۇلعايتۋعا قاتىستى ماسەلەلەر قاراستىرىلدى.

سوڭعى جاڭالىقتار