پرەزيدەنت ءۇندىستان پرەمەر-ءمينيسترىن رەسپۋبليكا كۇنىمەن قۇتتىقتادى
استانا. KAZINFORM - پرەزيدەنت قاسىم-جومارت توقايەۆ ءۇندىستان پرەمەر-ءمينيسترى نارەندرا موديگە رەسپۋبليكا كۇنىنە وراي قۇتتىقتاۋ جولدادى، دەپ حابارلايدى اقوردانىڭ باسپا ءسوز قىزمەتى.

مەملەكەت باسشىسى ءۇندىستاننىڭ دەموكراتيالىق دامۋىنداعى ەلەۋلى پروگرەسس پەن الەۋمەتتىك-ەكونوميكالىق، سونداي-اق تەحنولوگيالىق سالالارداعى جەتىستىكتەرىن اتاپ ءوتتى.
قاسىم-جومارت توقايەۆ نارەندرا موديگە دوستاس ءۇندىستان حالقىنىڭ يگىلىگى مەن وركەندەۋى جولىنداعى جاۋاپتى مەملەكەتتىك قىزمەتىنە تابىس تىلەدى.
پرەزيدەنت بەرىك دوستىق بايلانىستار مەن ستراتەگيالىق سەرىكتەستىككە نەگىزدەلگەن قازاق-ءۇندى قاتىناستارىنىڭ ەرەكشە سيپاتىنا نازار اۋدارىپ، ەكى ەلدىڭ جان-جاقتى ىنتىماقتاستىعى ودان ءارى نىعايا تۇسەتىنىنە سەنىم ءبىلدىردى.
وسىعان دەيىن حابارلانعانداي، قاسىم-جومارت توقايەۆ الەكساندر لۋكاشەنكونى پرەزيدەنت سايلاۋىنداعى جەڭىسىمەن قۇتتىقتادى.