پرەزيدەنت ءبىرقاتار مەملەكەتتىڭ ەلشىسىنەن سەنىم گراموتالارىن قابىلدادى
استانا. KAZINFORM - «اقوردا» رەزيدەنسياسىندا جەتى مەملەكەتتىڭ توتەنشە جانە وكىلەتتى ەلشىلەرىنىڭ قازاقستان پرەزيدەنتىنە سەنىم گراموتالارىن تابىستاۋ ءراسىمى ءوتتى.
سەنىم گراموتالارىن
بەلارۋس رەسپۋبليكاسىنىڭ ەلشىسى الەكسەي بوگدانوۆ،
تايلاند كورولدىگىنىڭ ەلشىسى پياپين نيومرەركس،
مولدوۆا رەسپۋبليكاسىنىڭ ەلشىسى شتەفان گوردا،
ميانما وداعى رەسپۋبليكاسىنىڭ ەلشىسى تيت لينن وۋن،
كەنيا رەسپۋبليكاسىنىڭ ەلشىسى پيتەر مۋتۋكۋ ماتۋكي،
البانيا رەسپۋبليكاسىنىڭ ەلشىسى بلەرتا كادزادەش،
يتاليا رەسپۋبليكاسىنىڭ ەلشىسى انتونەللو دە ريۋ تاپسىردى.
مەملەكەت باسشىسى ديپلوماتتاردى قازاقستانداعى ميسسيالارىنىڭ باستالۋىمەن قۇتتىقتاپ، ەلىمىزدىڭ ءوزارا مۇددەگە نەگىزدەلگەن ىنتىماقتاستىقتى دامىتۋعا جان-جاقتى قولداۋ كورسەتەتىنىن جەتكىزدى.
قاسىم-جومارت توقايەۆ قازاقستاننىڭ بەيبىت ءارى كوپۆەكتورلى سىرتقى ساياسات ۇستاناتىنىن ايتتى. پرەزيدەنتتىڭ ايتۋىنشا، حالىقارالىق قاتىناستاردا ديالوگ پەن ىقپالداستىق قاعيداتتارى باسشىلىققا الىنۋعا ءتيىس جانە بۇۇ جارعىسىن قاتاڭ ساقتاۋ ايرىقشا ماڭىزدى.
ايتا كەتەلىك جاقىندا نۇرلان جالعاسبايەۆ پولشا رەسپۋبليكاسىنداعى توتەنشە جانە وكىلەتتى ەلشىسى بولىپ تاعايىندالعان ەدى.
