پرەزيدەنت ءبىرقاتار مەملەكەتتىڭ ەلشىلەرىنەن سەنىم گراموتالارىن قابىلدادى

استانا. KAZINFORM - «اقوردا» رەزيدەنتسياسىندا توعىز ەلدىڭ توتەنشە جانە وكىلەتتى ەلشىلەرىنىڭ قازاقستان پرەزيدەنتىنە سەنىم گراموتالارىن تاپسىرۋ ءراسىمى ءوتتى. بۇل تۋرالى اقوردا ءمالىم ەتتى.

Президент бірқатар мемлекеттің елшілерінен сенім грамоталарын қабылдады
Фото: Ақорда

سەنىم گراموتالارىن كيپر رەسپۋبليكاسىنىڭ ەلشىسى پەتروس ناكۋزيس، جاپونيا ەلشىسى ياسۋماسا يدجيما، قىتاي حالىق رەسپۋبليكاسىنىڭ ەلشىسى حان چۋنلين، اۆستريا رەسپۋبليكاسىنىڭ ەلشىسى اندرەا باحەر، بۋركينا - فاسو ەلشىسى اريستيد راپۋگدوندبا ليۋدوۆيك تاپسوبا، لاوس حالىق دەموكراتيالىق رەسپۋبليكاسىنىڭ ەلشىسى سيپحاندون ويبۋابۋددي، جاڭا زەلانديا ەلشىسى مارك دجۋليان ترەينور، دانيا كورولدىگىنىڭ ەلشىسى يەسپەر ۆار، سلوۆەنيا رەسپۋبليكاسىنىڭ ەلشىسى الەنكا سۋحادولنيك تابىستادى.

Президент бірқатар мемлекеттің елшілерінен сенім грамоталарын қабылдады
Фото: Ақорда

پرەزيدەنت ەلىمىز جاھاندىق جانە وڭىرلىك دەڭگەيدەگى تىنىشتىق پەن قاۋىپسىزدىكتى قولداۋعا باعىتتالعان بەيبىتسۇيگىش ساياسات ۇستاناتىنىن جەتكىزدى. بۇل - قازاقستاننىڭ سىرتقى ساياساتتاعى باستى باعدارى.

Президент бірқатар мемлекеттің елшілерінен сенім грамоталарын қабылдады
Фото: Ақорда

قاسىم-جومارت توقايەۆتىڭ ايتۋىنشا، قازاقستان الەمدىك اۋقىمداعى ءىس- شارالار مەن كەزدەسۋلەرگە ۇيىتقى بولا وتىرىپ، حالىقارالىق ارەناداعى بەلسەندى ويىنشىعا اينالدى. وڭىردەگى ءىرى ەكونوميكاسى بار ەل رەتىندە ءتۇرلى مەملەكەتتەردەن ينۆەستيتسيانى كوپتەپ تارتىپ وتىر. سونداي-اق قازاقستان نارىعى ەكونوميكالىق ىنتىماقتاستىققا اشىق.

Касым-Жомарт Токаев принял верительные грамоты послов ряда государств
Фото: Акорда

كەزدەسۋ سوڭىندا پرەزيدەنت ەلشىلەردىڭ رەسمي تۇردە ديپلوماتيالىق ميسسيالارىنىڭ باستالۋىمەن قۇتتىقتاپ، ولاردىڭ مەملەكەتتەر باسشىلارىنا ىستىق ىقىلاسىن جەتكىزدى.

Президент бірқатар мемлекеттің елшілерінен сенім грамоталарын қабылдады
Фото: Ақорда
Президент бірқатар мемлекеттің елшілерінен сенім грамоталарын қабылдады
Фото: Ақорда

ەسكە سالا كەتەيىك، بۇعان دەيىن جوعارعى سوت ءتوراعاسى پرەزيدەنتكە ەسەپ بەرگەنىن جازعان بولاتىنبىز.

سوڭعى جاڭالىقتار