پرەزيدەنت: بىزگە وڭتۇستىك كورەيا تەحنولوگياسىن ونەركاسىپكە ەنگىزۋ ماڭىزدى
استانا. KAZINFORM - پرەزيدەنت قاسىم-جومارت توقايەۆ قازاقستان- كورەي بيزنەس فورۋمىندا ەكىجاقتى ەكونوميكالىق بايلانىستى «ينۆەستيتسيالار مەن تەحنولوگيالار - شيكىزات ورنىنا» قاعيداتىمەن دامىتۋعا بولاتىنىن ايتتى.

«ەندى ارىپتەستىكتىڭ اناعۇرلىم كەلەشەگى زور باعىتتارى تۋرالى پايىمىمىزدى تانىستىرۋعا رۇقسات ەتىڭىزدەر. ءبىرىنشى - ءبىزدىڭ ەكونوميكا ءۇشىن ماڭىزدى سالالارداعى كووپەراتسيانىڭ ارتتىرۋ. بۇل - جەر قويناۋىن پايدالانۋ جانە ونەركاسىپ. مۇناي- گاز سالاسىندا بىزگە وڭتۇستىككورەيالىق تەحنولوگيانىڭ تولىققاندى ترانسفەرتى، سونداي-اق، زاماناۋي قوندىرعىلار مەن قوسالقى بولشەكتەردىڭ ءوندىرىسىن جولعا قويۋ ماڭىزدى. ءبىزدىڭ تەڭىز، قاشاعان، قاراشىعاناق سياقتى مۇناي-گاز كەن ورىندارىمىزدىڭ كەڭەيىپ جاتقانىن ەسكەرسەك، بۇل وتە قاجەت»، — دەدى مەملەكەت باسشىسى بيزنەس-فورۋمنىڭ اشىلۋ سالتاناتىندا سويلەگەن سوزىندە.
قاسىم-جومارت توقايەۆتىڭ سوزىنشە، ەلىمىزدە 5 مىڭعا جۋىق بارلانباي جاتقان كەن ورنى بار.
«كەيىننەن مۇناي بەن گاز شوگىندىلەرىن يگەرۋدى كوزدەيتىن تولىق اۋقىمداعى گەولوگيالىق بارلاۋ جۇمىستارىن جۇرگىزۋ ۇلكەن مۇمكىندىكتەر اشادى. اسا ماڭىزدى شيكىزاتتى «ينۆەستيتسيالار مەن تەحنولوگيالار - شيكىزات ورنىنا» پراگماتيكالىق فورمۋلاسى بويىنشا ءوندىرۋ جانە قايتا وڭدەۋ كەلەشەگى اسا زور باعىت بولىپ ەسەپتەلەدى. ءبىزدىڭ جەر قويناۋىمىز پايدالى قازبالاردىڭ ايتارلىقتاي قورىن بويىندا ساقتاپ جاتىر. 5 مىڭعا جۋىق بارلانباعان كەن ورىندارى بار»، - دەدى پرەزيدەنت.