پرەزيدەنت BNK Financial Group باسشىسى بين دە-ءيندى قابىلدادى

 استانا. KAZINFORM - قازاقستان-كورەيا بيزنەس فورۋمى اياسىندا قاسىم-جومارت توقايەۆ BNK Financial Group كومپانياسى ديرەكتورلار كەڭەسىنىڭ ءتوراعاسى بين دە-ينمەن كەزدەستى.

тоқаев
Фото: Ақорда

مەملەكەت باسشىسى كومپانيانىڭ ءوز يەلىگىندەگى BNK Finance Kazakhstan ميكروقارجى ۇيىمىن تولىققاندى ەكىنشى دەڭگەيلى بانككە اينالدىرۋ نيەتىن قۇپتادى.

ونىڭ پىكىرىنشە، وڭتۇستىك كورەياداعى جەتەكشى بانكتىڭ قازاقستاندا قىزمەت ەتۋى ەكى ەل اراسىنداعى ساۋدا-ينۆەستيتسيالىق ىنتىماقتاستىقتى نىعايتۋعا ىقپال ەتەدى.

قاسىم-جومارت توقايەۆ كومپانيانىڭ ميكروقارجى ۇيىمىن بانككە اينالدىرۋ ءراسىمى اياقتالعان سوڭ، كورپوراتيۆتىك نەسيە بەرۋگە كۇش سالۋعا شاقىردى.

жиын
Фото: Ақорда

سونداي-اق بانك سالاسىندا وزىق IT شەشىمدەردى پايدالانۋدىڭ ماڭىزىنا نازار اۋداردى.

BNK Financial Group Inc. - وڭتۇستىك كورەيانىڭ قارجىلىق توبى.

ونىڭ قۇرامىنا Busan Bank, Kyongnam Bank, BNK Capital جانە باسقا دا كومپانيالار كىرەدى.

كومپانيانىڭ اكتيۆى - 129 ميلليارد دوللار. ال تازا تابىسى - 504 ميلليون دوللار.

тоқаев
Фото: Ақорда

قارجىلىق توپ الەمدەگى ەڭ ءىرى كومپانيالاردى ەسەپكە الاتىن Forbes Global 2000 تىزىمىنە ەنگەن.

سوڭعى جاڭالىقتار