15:12, 17 - ءساۋىر 2025 | GMT +5
پرەزيدەنت استانا جانە قازاقستان ميتروپوليتى الەكساندردى I دارەجەلى «دوستىق» وردەنىمەن ماراپاتتادى
استانا. KAZINFORM - مەملەكەت باسشىسى ميتروپوليت پەن بارشا پراۆوسلاۆ قاۋىمىن پاسحا مەرەكەسىمەن قۇتتىقتادى. بۇل تۋرالى اقوردانىڭ باسپا ءسوز قىزمەتى حابارلادى.
قاسىم-جومارت توقايەۆ پراۆوسلاۆ شىركەۋىنىڭ ءداستۇرلى جانە وتباسىلىق قۇندىلىقتاردى ناسيحاتتاۋعا، جاس ۇرپاقتى تاربيەلەۋ مەن ەلىمىزدىڭ باي مادەني مۇراسىن ساقتاۋعا ەلەۋلى ۇلەس قوسىپ كەلە جاتقانىن اتاپ ءوتتى.
پرەزيدەنت ميتروپوليت الەكساندردى I دارەجەلى «دوستىق» وردەنىمەن ماراپاتتادى. بۇل ونىڭ قازاقستانداعى قىزمەتىنە 15 جىل تولۋىنا وراي، سونداي-اق بەيبىتشىلىك پەن كەلىسىمدى نىعايتۋداعى ەڭبەگى ءۇشىن بەرىلىپ وتىر.
ايتا كەتەلىك پرەزيدەنت ءبىرقاتار مەملەكەتتىڭ ەلشىسىنەن سەنىم گراموتالارىن قابىلداعان ەدى.
