پرەزيدەنت پارلامەنتتەگى پارتيا فراكسيالارىنىڭ جەتەكشىلەرىمەن كەزدەستى

Akorda
Photo: Akorda

استانا. KAZINFORM - مەملەكەت باسشىسى قاسىم-جومارت توقايەۆ قازاقستان رەسپۋبليكاسى پارلامەنتى ماجىلىسىندەگى ساياسي پارتيالار فراكسيالارىنىڭ جەتەكشىلەرىمەن كەزدەسۋ وتكىزدى.

كەزدەسۋدە پرەزيدەنت كونستيتۋتسيانىڭ 44-بابىنا سايكەس پرەمەر- مينيستر لاۋازىمىنا ۇسىنىلعان ولجاس بەكتەنوۆتىڭ كانديداتۋراسى جونىندە فراكسيا باسشىلارىمەن كەڭەسۋگە ءتيىس ەكەنىن ايتتى.

تالقىلاۋعا «Amanat» پارتياسى فراكسياسىنىڭ جەتەكشىسى ەلنۇر بەيسەنبايەۆ، قازاقستان حالىق پارتياسى فراكسياسىنىڭ جەتەكشىسى ماگەررام ماگەرراموۆ، «اق جول» پارتياسى فراكسياسىنىڭ جەتەكشىسى ازات پەرۋاشيەۆ، جالپى ۇلتتىق سوتسيال- دەموكراتيالىق پارتياسى فراكسياسىنىڭ جەتەكشىسى اسحات راقىمجانوۆ، «اۋىل» پارتياسى فراكسياسىنىڭ جەتەكشىسى سەرىك ەگىزبايەۆ، «Respublica» پارتياسى فراكسياسىنىڭ جەتەكشىسى ايداربەك حودجانازاروۆ قاتىستى.

ايتا كەتەيىك، كەشە مەملەكەت باسشىسى «قازاقستان رەسپۋبليكاسىنىڭ ۇكىمەتى تۋرالى» جارلىققا قول قويدى.

سوڭعى جاڭالىقتار