پرەزيدەنت اقبوكەندەردى اتۋعا تىيىم سالىناتىنىن مالىمدەدى
قوستاناي. KAZINFORM -پرەزيدەنت توبىل قالاسىندا ورنالاسقان جەدەل شتابتا اۋىل تۇرعىندارىمەن كەزدەسۋ بارىسىندا قازاق دالاسىنىڭ سيمۆولى سانالاتىن اقبوكەندەردىڭ كوبەيۋىنە توسقاۋىل قوياتىن شەشىمنىڭ كۇشىن جويىپ، وعان تىيىم سالىناتىنىن مالىمدەدى.
بۇل تۋرالى اقوردانىڭ باسپا ءسوز قىزمەتى مالىمدەدى.
بۇعان دەيىن حابارلاعانمىزداي، قازاقستاندا 10-اقپاننان باستاپ كيىك اتۋعا قايتادان تىيىم سالىنعان بولاتىن.
الايدا، بيىل كۇزدە قازاقستاندا كيىك اتۋعا قايتا رۇقسات ەتىلەتىنى تۋرالى سامارقاندا وتكەن ۇنەمى قونىس اۋدارىپ تىرشىلىك ەتەتىن جابايى جانۋار تۇرلەرىن ساقتاۋ كونۆەنتسياسىنىڭ كەزەكتى وتىرىسىندا ق ر ەكولوگيا جانە تابيعي رەسۋرستار ۆيتسە- ءمينيسترى نۇركەن شاربيەۆ مالىمدەگەن بولاتىن.
ەكولوگيا جانە تابيعي رەسۋرستار مينيسترلىگىنىڭ ورمان شارۋاشىلىعى جانە جانۋارلار دۇنيەسى كوميتەتى ءتوراعاسىنىڭ مىندەتىن اتقارۋشى دانيار تۇرعامبايەۆ كيىك سانىن مەملەكەت رەتتەمەسە، كيىكتىڭ كوبەيۋى شارۋالارعا زيان تيگىزەدى دەگەن ءۋاج ايتقانىن جازعان بولاتىنبىز.
سونداي- اق، بيىل مامىردا ەلىمىز بويىنشا كيىك ساناعى جۇرەدى.
