پرەزيدەنت «اكىمدەر مەكتەبى» جوباسىن ىسكە قوسۋدى تاپسىردى

استانا. KAZINFORM - اكىمدەردى تىكەلەي سايلاۋدىڭ ناتيجەسىندە مەملەكەتتىك قىزمەتشىلەردىڭ جاڭا ساناتى - سايلاناتىن باسشىلار پايدا بولدى. ولاردى كەشەندى دايىندىقتان وتكىزۋ ماسەلەسى وتە وزەكتى بولىپ تۇر. بۇل ماسەلەنى پرەزيدەنت قاسىم-جومارت توقايەۆ ۇكىمەتتىڭ كەڭەيتىلگەن وتىرىسىندا كوتەردى.

Токаев
فوتو: اقوردا

− العا قويىلعان مىندەتتەردى جۇزەگە اسىرۋ ءۇشىن تۇتاس مەملەكەتتىك اپپارات ءتيىمدى جۇمىس ىستەۋى كەرەك. اكىمدەردى تىكەلەي سايلاۋدىڭ ناتيجەسىندە مەملەكەتتىك قىزمەتشىلەردىڭ جاڭا ساناتى - سايلاناتىن باسشىلار پايدا بولدى. بۇل - ەكى جارىم مىڭنان استام باسشى لاۋازىمىنداعى قىزمەتكەر دەگەن ءسوز. ولاردىڭ اراسىندا بۇرىن مەملەكەتتىك قىزمەتتە جۇمىس ىستەمەگەن ازاماتتار، سونىڭ ىشىندە جاستار كوپ. سول سەبەپتى سايلانعان اكىمدەر مەن ءتۇرلى دەڭگەيدەگى باسشىلاردى كەشەندى دايىندىقتان وتكىزۋ ماسەلەسى وتە وزەكتى بولىپ تۇر. ۇكىمەتكە مەملەكەتتىك قىزمەت ىستەرى اگەنتتىگىمەن بىرلەسىپ، «اكىمدەر مەكتەبى» وقىتۋ جوباسىن ىسكە قوسۋدى تاپسىرامىن، − دەدى مەملەكەت باسشىسى.

مەملەكەت باسشىسى ۇكىمەتتىڭ كەڭەيتىلگەن وتىرىسىندا مەكتەپتەردىڭ ۆاۋچەرلىك تاسىلمەن قارجىلاندىرىلۋى مۇمكىن ەكەنىن ايتتى.

سوڭعى جاڭالىقتار