پرەزيدەنت ادىلەت مينيسترىنە باس پروكۋراتۋرامەن تىعىز قارىم-قاتىناستا جۇمىس ىستەۋدى تاپسىردى

مەملەكەت باسشىسى قاسىم-جومارت توقايەۆ ادىلەت ءمينيسترى ازامات ەسقارايەۆتى قابىلدادى، دەپ حابارلايدى قازاقپارات.

Президент министр юстиции
Фото: Фото: Акорда

پرەزيدەنتكە ادىلەت ورگاندارىنىڭ بيىلعى 9 ايدا اتقارعان جۇمىسىنىڭ قورىتىندىسى مەن الداعى جوسپارى جونىندە باياندالدى.

ازامات ەسقارايەۆتىڭ قابىلدانىپ جاتقان زاڭنامالىق شارالار، اتاپ ايتقاندا قىلمىستىق، قىلمىستىق-پروتسەستىك، قىلمىستىق-اتقارۋ، اكىمشىلىك قۇقىق بۇزۋشىلىق كودەكستەرىن وڭتايلاندىرۋ ءۇشىن ازىرلەنگەن زاڭ جوبالارى، سونداي-اق اكىمشىلىك ادىلەت سالاسىن جەتىلدىرۋ جانە كەڭەيتۋ ماسەلەلەرى جونىندە مالىمەت بەردى.

ازاماتتىق حال اكتىلەرىن تىركەۋ، جىلجىمايتىن مۇلىككە قاتىستى قۇقىقتار، نوتارياتتىق، ادۆوكاتتىق قىزمەتتەر، اتقارۋشىلىق ءىس جۇرگىزۋ سالالارىنداعى جاڭالىقتار جانە زياتكەرلىك مەنشىك قۇقىقتارىن قورعاۋ شارالارى تۋرالى ايتتى.

قاسىم-جومارت توقايەۆ ازامات ەسقارايەۆقا «زاڭسىز يەمدەنىلگەن اكتيۆتەردى مەملەكەتكە قايتارۋ تۋرالى» زاڭدى جۇزەگە اسىرۋعا قاتىستى زاڭعا تاۋەلدى اكتىلەردى جەدەل قابىلداۋ ءۇشىن باس پروكۋراتۋرامەن تىعىز قارىم-قاتىناستا جۇمىس ىستەۋدى تاپسىردى.

سونىمەن قاتار پرەزيدەنت زاڭدار مەن زاڭعا تاۋەلدى اكتىلەردى قابىلداۋ كەزىندە مۇددەلى مەملەكەتتىك ورگاندارمەن ۇيلەسىمدى جۇمىس ىستەپ، كونستيتۋتسيا تالاپتارىنىڭ ساقتالۋىن قامتاماسىز ەتۋ قاجەت ەكەنىن اتاپ ءوتتى.

سوڭعى جاڭالىقتار