پرەزيدەنت ادام قۇقىقتارى مەن زاڭ ۇستەمدىگى سالاسىنداعى ءىس-قيمىل جوسپارىن بەكىتتى

پرەزيدەنت «ادام قۇقىقتارى مەن زاڭ ۇستەمدىگى سالاسىنداعى ءىس-قيمىل جوسپارى تۋرالى» جارلىققا قول قويدى، دەپ حابارلايدى Kazinform.

وندا بىلاي دەلىنگەن:

- قوسا بەرىلىپ وتىرعان ادام قۇقىقتارى مەن زاڭ ۇستەمدىگى سالاسىنداعى ءىس-قيمىل جوسپارى بەكىتىلسىن.

- قازاقستان رەسپۋبليكاسى ۇكىمەتى:

1) ءىس-قيمىل جوسپارىن ىسكە اسىرۋ بويىنشا قاجەتتى شارالاردى قابىلداسىن؛

2) جارتىجىلدىق نەگىزدە 15 شىلدەگە جانە 5 قاڭتارعا دەيىن پرەزيدەنت اكىمشىلىگىنە ءىس-قيمىل جوسپارىنىڭ ورىندالۋ بارىسى تۋرالى اقپارات ۇسىنسىن.

- وسى جارلىق قول قويىلعان كۇنىنەن باستاپ قولدانىسقا ەنەدى.

ءىس-قيمىل جوسپارىمەن مىنا سىلتەمەدە تانىسۋعا بولادى.

وسىعان وراي قاسىم-جومارت توقايەۆ X (بۇرىنعى Twitter) پاراقشاسىندا جازبا جاريالادى.

- دۇنيەجۇزىلىك ادام قۇقىقتارى كۇنىنە وراي «ادام قۇقىقتارى مەن زاڭ ۇستەمدىگى سالاسىنداعى ءىس-قيمىل جوسپارى تۋرالى» جارلىققا قول قويدىم. جوسپاردا گەندەرلىك تەڭدىكتى كۇشەيتۋگە، تۇرمىستىق زورلىق-زومبىلىققا قارسى كۇرەسكە، قىلمىستىق سوت تورەلىگى سالاسىندا ازاماتتاردى قورعاۋعا، ازاپتاۋ مەن قاتىگەزدىكتىڭ الدىن الۋعا باعىتتالعان ءبىرقاتار شارا قامتىلعان. بىرلەسۋ بوستاندىعى قۇقىعى مەن ەڭبەك قۇقىعىن، سونداي-اق مۇمكىندىگى شەكتەۋلى ازاماتتاردىڭ قۇقىقتارىن قامتاماسىز ەتۋ جولدارى قاراستىرىلعان. قۇجات ادام قۇقىقتارىن قورعاۋدىڭ ۇلتتىق جۇيەسىن نىعايتادى. جوسپاردى جۇزەگە اسىرۋ شەڭبەرىندە ءتيىستى زاڭدار قابىلدانادى - دەپ جازدى پرەزيدەنت.