پرەزيدەنت ا ق ش ساۋدا مينيسترىمەن كەزدەستى
نيۋ- يورك. KAZINFORM - مەملەكەت باسشىسى مەن ا ق ش ساۋدا ءمينيسترى گوۆارد لاتنيك ەكىجاقتى ساۋدا-ەكونوميكالىق ىنتىماقتاستىقتىڭ كەڭ كولەمدى ماسەلەلەرىن قاراستىردى. بۇل تۋرالى اقوردا ءمالىم ەتتى.
- قاسىم-جومارت توقايەۆ ەلىمىز امەريكا قۇراما شتاتتارىمەن ىقپالداستىقتى دامىتۋعا ەرەكشە ءمان بەرەتىنىن اتاپ ءوتتى. ا ق ش ەلىمىزدىڭ نەگىزگى ينۆەستيتسيالىق سەرىكتەستەرىنىڭ ءبىرى سانالادى. پرەزيدەنت قازاقستاندا شەتەلدىك ينۆەستورلارعا قولايلى جاعداي جاسالعانىن ايتتى. مەملەكەت باسشىسى ەلىمىزدە امەريكالىق بيزنەس ءۇشىن ەنەرگەتيكا، كولىك-لوگيستيكا، سيفرلاندىرۋ، اۋىل شارۋاشىلىعى سالالارىندا ۇلكەن مۇمكىندىك بار ەكەنىن جەتكىزدى، - دەلىنگەن حابارلامادا.
گوۆارد لاتنيك قۇراما شتاتتاردىڭ قازاقستانمەن ساۋدا-ەكونوميكالىق، يندۋستريالدىق، كولىك-لوگيستيكالىق جانە ينۆەستيتسيالىق سالالاردا بىرلەسكەن جوبالاردى ودان ءارى دامىتۋعا قىزىعۋشىلىق تانىتاتىنىنا توقتالدى.
ا ق ش ساۋدا ءمينيسترى گوۆارد لاتنيك ءبىزدىڭ پرەزيدەنتپەن جۇزدەسكەنىنە وتە قۋانىشتى ەكەنىن، بىرلەسىپ، كوپ جۇمىس اتقارۋعا نيەتتى ەكەنىن جەتكىزدى.
ايتا كەتەيىك، بۇعان دەيىن امەريكالىق Wabtec كومپانياسىمەن ءبىرقاتار كەلىسىمگە قول قويىلدى.
