پرەزيدەنت 22-23-تامىز كۇندەرى تاجىكستان رەسپۋبليكاسىنا مەملەكەتتىك ساپارمەن بارادى

استانا. KAZINFORM - اقوردا 22-23-تامىز كۇندەرى قازاقستان پرەزيدەنتى تاجىكستان رەسپۋبليكاسىنا مەملەكەتتىك ساپارمەن باراتىنىن مالىمدەدى.

ساپار اياسىندا شاعىن قۇرامدا جانە ەكى ەل ۇكىمەتتەرى دەلەگاتسيالارىنىڭ قاتىسۋىمەن جوعارى دەڭگەيدە كەلىسسوزدەر وتەدى.

مەملەكەت باسشىسى قاسىم-جومارت توقايەۆ پەن پرەزيدەنت ەمومالي راحمون قازاقستان مەن تاجىكستان اراسىنداعى ستراتەگيالىق سەرىكتەستىكتىڭ قازىرگى جاي-كۇيى مەن دامۋ پەرسپەكتيۆاسىن تالقىلايدى.

سونداي-اق ەكى ەلدىڭ ساياسي، ساۋدا-ەكونوميكالىق جانە مادەني-گۋمانيتارلىق سالالارداعى ىنتىماقتاستىعىن نىعايتۋدى كوزدەيتىن ءبىرقاتار قۇجاتقا قول قويىلادى دەپ جوسپارلانىپ وتىر.