پەريزات قايرات وزىنە تاعىلعان ايىپتارمەن كەلىسپەي وتىر

استانا. KAZINFORM - ەرىكتىلەر قوزعالىسىنىڭ بەلسەندىسى جانە قوعامدىق قايىرىمدىلىق قورىنىڭ قۇرىلتايشىسى پەريزات قايرات وزىنە تاعىلعان ايىپتاۋلارمەن كەلىسپەي وتىر.

- ولار ماعان سوتقا دەيىن نە ايتپادى دەسەڭىزشى. دالەلدەنبەگەن دۇنيەنى جاريالاپ، بۇرمالاپ جىبەردى. مەنى قارالاپ، جالا جاپتى. ءتىپتى، ءتىنتۋ كەزىندە تابىلعان زاتتار دا دالەلدەنگەن جوق، - دەدى پەريزات قايرات سوت وتىرىسى باستالماي تۇرىپ.

بەلگىلى بولعانداي پەريزات قايراتتىڭ سوتى ءىشىنارا جابىق وتەتىن بولدى.

بۇعان دەيىن ەلوردادا پەريزات قايراتتىڭ ىسىنە قاتىستى الدىن الا سوت وتىرىسى وتكەنىن حابارلاعان ەدىك.

ايتا كەتسەك، بيىل 30-ماۋسىمدا پەريزات قايراتتىڭ ءىسى سوتقا جىبەرىلدى.

ەسكە سالايىق، ەرىكتىلەر قوزعالىسىنىڭ بەلسەندىسى جانە قوعامدىق قايىرىمدىلىق قورىنىڭ قۇرىلتايشىسى پەريزات قايراتقا قاتىستى تەرگەۋ جۇرگىزىلىپ جاتقانى 2024-جىلى 14-قاراشادا بەلگىلى بولدى.

سونداي-اق جوعارعى سوت پەريزات قايراتتىڭ سوتىن تىكەلەي ەفيردەن كورسەتۋ ماسەلەسىن قاراستىرۋعا دايىن ەكەنىن حابارلادى.