پەريزات قايرات ەكى اي قاماۋعا الىندى - ەلوردا سوتى

استانا. KAZINFORM - ەرىكتىلەر قوزعالىسىنىڭ بەلسەندىسى پەريزات قايرات سوت سانكتسياسىمەن ەكى اي مەرزىمگە قاماۋعا الىندى. بۇل تۋرالى استانا قالالىق سوتىنىڭ باسپا ءسوز قىزمەتى حابارلايدى.

«2024 -جىلعى 15-قاراشادا سوتقا تەرگەۋ ورگاندارىنىڭ كۇدىكتى پەريزات قايراتقا قاتىستى 2 ايعا دەيىنگى مەرزىمگە قاماۋدا ۇستاۋ تۇرىندەگى بۇلتارتپاۋ شاراسىن سانكتسيالاۋ تۋرالى ءوتىنىشى كەلىپ ءتۇستى. استانا قالاسىنىڭ مامانداندىرىلعان اۋدانارالىق تەرگەۋ سوتىنىڭ 2024 -جىلعى 16-قاراشاداعى قاۋلىسىمەن كۇدىكتى پەريزات قايراتقا قاتىستى قاماۋدا ۇستاۋ تۇرىندەگى بۇلتارتپاۋ شاراسىن سانكتسيالاۋ تۋرالى ءوتىنىش قاناعاتتاندىرىلدى»، - دەلىنگەن حابارلامادا.

ق ر قىلمىستىق- پروتسەستىك كودەكسىنىڭ 201-بابىنا سايكەس وزگە دەرەكتەر جاريالانۋعا جاتپايدى.

بۇعان دەيىن پەريزات قايرات پالەستينا تۇرعىندارىنا گۋمانيتارلىق كومەك كورسەتۋ ءۇشىن قاراجات جيناۋدى ۇيىمداستىرعانى تۋرالى حابارلاعان ەدىك. بۇل ەپيزود بويىنشا پەريزات قايرات 200 ميلليون تەڭگەدەن اسا قاراجاتتى جىمقىردى دەپ كۇدىكتەلۋدە. تەرگەۋ جالعاسۋدا.

ايتا كەتسەك، ەرىكتىلەر قوزعالىسىنىڭ بەلسەندىسى جانە قوعامدىق قايىرىمدىلىق قورىنىڭ قۇرىلتايشىسى پەريزات قايراتقا قاتىستى تەرگەۋ جۇرگىزىلىپ جاتقانى 14-قاراشادا بەلگىلى بولدى.

سونداي-اق، پەريزات قايرات پاراسپورت فەدەراتسياسىنداعى قىزمەتىنەن الىندى.

اۆتور
داۋلەت ىزتىلەۋ