ريم پاپاسى قازاقستاندا سۋ تاسقىنىنان زارداپ شەككەندەر ءۇشىن دۇعا ەتۋگە شاقىردى
استانا. KAZINFORM -ريم پاپاسى فرانسيسك ءوزىنىڭ جالپى اۋدەنتسياسى كەزىندە ورتالىق ازيا ەلدەرىنىڭ كوپتەگەن ايماقتارىنا اسەر ەتكەن جانە مىڭداعان ادامدى ەۆاكۋاتسيالانۋعا ءماجبۇر ەتكەن قازاقستانداعى جاپپاي سۋ تاسقىنىنان زارداپ شەككەندەر ءۇشىن دۇعا ەتۋگە شاقىردى.
سونىمەن بىرگە، ريم پاپاسى ۋكراينا مەن ميانماداعى قاقتىعىستاردان زارداپ شەككەندەر ءۇشىن تىلەك تىلەۋدى سۇراعان.
«مەن ءدال وسى ۋاقىتتا قازاقستان حالقىنا رۋحاني جاقىن ەكەنىمدى بىلدىرگىم كەلەدى»، - دەپ اتاپ ءوتتى ريم پاپاسى فرانسيسك اعىلشىن ءدىندارلارىن رەسمي قابىلداۋ كەزىندە.
ول 2022 -جىلدىڭ قىركۇيەك ايىندا قازاقستانعا بارعانىن، قازىر بۇل ەلدىڭ كوپتەگەن ايماقتارىنا اسەر ەتكەن اۋقىمدى سۋ تاسقىنى بولعانىن ەسكە سالدى.
«مەن بارشانى وسى تابيعي اپاتتىڭ سالدارىنان زارداپ شەككەندەردىڭ بارلىعىنا دۇعا ەتۋگە شاقىرامىن»، - دەدى ول.
ايتا كەتەيىك، قازاقستاندا سۋ تاسقىنى باستالعالى بەرى 97071 ادام ەۆاكۋاتسيالاندى.
رەسەيدىڭ ورىنبور قالاسىندا جايىق وزەنىندەگى سۋ دەڭگەيى قاۋىپتى دەڭگەيگە جاقىنداپ، 897 س م- گە جەتكەن.
سۋ باسۋ قاۋپى بار ايماقتا جۇرگەن ادامداردىڭ بارلىعى دەرەۋ ەۆاكۋاتسيالانۋعا شاقىرىلدى.
