ريددەردە جالعىز قازاق مەكتەبى جابىلعانى راس پا

Риддер мектеп жабылды
Фото: Видеодан скрин

جابىلدى دەگەن اقپاراتتىڭ شىندىققا سايكەس كەلمەيتىنىن ءمالىم ەتتى، دەپ حابارلايدى قازاقپارات ءتىلشىسى.

بۇگىن الەۋمەتتىك جەلىدە ريددەردە ورنالاسقان مەملەكەتتىك تىلدە وقىتاتىن جالعىز مەكتەپتىڭ جابىلعانى جايلى اقپارات تارادى. وبلىستىق ءبىلىم باسقارماسىنىڭ مالىمەتىنشە، بۇل شىندىققا سايكەس كەلمەيدى.

شاڭىراق كوپبەيىندى مەكتەپ- گيمنازياسىنىڭ عيماراتىنا كۇردەلى جوندەۋ جۇمىستارىنىڭ قاجەتتىلىگىنە بايلانىستى وقۋشىلار باسقا مەكتەپكە كوشىرىلدى. قازىر ولار قالاداعى №11 مەكتەپكە بارىپ وقىپ جاتىر. وندا وقۋشىلاردىڭ ءبىلىم الۋىنا بارلىق جاعداي جاسالعان. مەملەكەتتىك ءبىلىم بەرۋ ستاندارتى ورىندالۋدا، - دەپ حابارلادى باسقارمادان.

قازىرگى ۋاقىتتا ريددەردە جاڭا مەكتەپتىڭ قۇرىلىسى جۇرگىزىلىپ جاتىر. جوسپار بويىنشا ول 2024 -جىلى سالىنىپ بىتپەك. ءبىلىم ورداسى مەملەكەتتىك تىلدە وقىتاتىن بولادى.