ەريەۆاندا پوليتسيا بولىمشەسىنە قارۋلى ادامدار باسىپ كىردى

  استانا. KAZINFORM — ەريەۆانداعى نور-نورك اكىمشىلىك اۋدانىندا ورنالاسقان پوليتسيا بولىمشەسىنە قارۋلى ادامدار باسىپ كىردى، دەپ حابارلادى ت ا س س.

وقيعا ورنىنا پوليتسيانىڭ قوسىمشا كۇشتەرى، جەدەل جاردەم جانە توتەنشە جاعدايلار قىزمەتى، ارمەنيا پوليتسياسىنىڭ ارنايى جاساعى اتتاندى. الاڭ قورشاۋعا الىندى.

ت ا س س ءتىلشىسىنىڭ حابارلاۋىنشا، قولىنا گراناتاعا ۇقساس زات ۇستاعان بەلگىسىز بىرەۋ ارمەنيا پرەمەر-ءمينيسترى نيكول پاشينياننىڭ وتستاۆكاعا كەتۋىن تالاپ ەتىپ ەسىك الدىنا شىعىپ، قايتادان عيماراتقا كىرىپ كەتكەن.

ارمەنيا ءى ءى م باسپا ءسوز حاتشىسى نارەك ساركيسيان بۇل اقپاراتتى راستادى.

ونىڭ ايتۋىنشا، پوليتسيا بولىمشەسىنە باسىپ كىرگەن ۇشەۋدىڭ ەكەۋى گراناتانىڭ جارىلۋى سالدارىنان جاراقات العان.

— شابۋىل جاساعان ءۇش ادام بولدى، ولاردىڭ ەكەۋى ءوز گراناتاسىنىڭ جارىلۋى سالدارىنان جارالاندى. بىرەۋى ءالى ستانتسيادا. ونى زالالسىزداندىرۋ شارالارى جۇرگىزىلىپ جاتىر-، دەدى ول.

الدىن الا مالىمەت بويىنشا، شابۋىل سالدارىنان پوليتسيا قىزمەتكەرىنىڭ ەشقايسىسى زارداپ شەككەن جوق.

كەيىن ارمەنيا ۇلتتىق قاۋىپسىزدىك قىزمەتىنىڭ ارنايى جاساعى شابۋىلداۋشىنى ۇستادى.