ريم پاپاسى XIV ليەۆ بۋەنوس-ايرەستە رەكورد ورناتتى
استانا. KAZINFORM - ارگەنتينا استاناسى بۋەنوس-ايرەستە ريم پاپاسى XIV ليەۆتىڭ اشىق مەساسىنا 2,5 ميلليونعا جۋىق ادام قاتىستى.
بۇل - ونىڭ پونتيفيك قىزمەتى كەزەڭىندەگى ەڭ جوعارى كورسەتكىش، دەپ حابارلايدى Kazinform اگەنتتىگىنىڭ ە و ەلدەرىندەگى مەنشىكتى ءتىلشىسى Vatican News-كە سىلتەمە جاساپ.
ءدىني ءراسىم 9-قاراشادا پالەرمو اۋدانىنداعى ليبەرتادور داڭعىلىنىڭ بويىندا ورنالاسقان يسپاندىقتار مونۋمەنتىنىڭ (Monumento a los Espaٌoles) جانىندا ءوتتى.
ۆاتيكان مەن ۇيىمداستىرۋشىلاردىڭ مالىمەتىنشە، جيىنعا شامامەن 2,5 ميلليون ادام قاتىسقان. بۇل - XIV ليەۆ 2025-جىلعى مامىردا ريم پاپاسى بولىپ سايلانعالى بەرى وتكىزگەن ەڭ اۋقىمدى ءراسىم. بۇعان دەيىنگى رەكورد 2026-جىلعى ماۋسىمدا مادريدتە تىركەلگەن. ول كەزدە مەسساعا شامامەن 1,2 ميلليون ادام جينالعان بولاتىن.
ايتا كەتەيىك، استانانىڭ باستى داڭعىلدارىنىڭ بىرىنە جينالعان حالىق بىرنەشە شاقىرىمعا سوزىلدى. ءدىندارلاردىڭ كوبى ارگەنتينانىڭ ءار وڭىرىنەن جانە كورشىلەس ەلدەردەن كەلگەن. كەيبىر ءدىندارلار قۇرباندىق ۇستەلىنە جاقىن ورىن الۋ ءۇشىن كوشەدە تۇنەپ شىققان. جيىن بارىسىندا ونداعان ۇلكەن ەكران جۇمىس ىستەدى. بۇدان بولەك ۋاعىز كەزىندە ريم پاپاسى ارگەنتينا كاتوليكتەرىنىڭ ءدىني سەنىمگە دەگەن زور ىقىلاسىن اتاپ ءوتىپ، قازىرگى زاماننىڭ قيىندىقتارىنا توتەپ بەرۋدە حريستيان وتباسىن بەرىك تىرەك دەپ اتادى. سونداي-اق ول بۇعان دەيىن بۋەنوس-ايرەس ارحيەپيسكوپى قىزمەتىن اتقارعان ريم پاپاسى فرانتسيسكتى تەبىرەنە ەسكە الدى.
بۇل مەسسا XIV ليەۆتىڭ وڭتۇستىك امەريكاعا جاساعان 12 كۇندىك اپوستولدىق ساپارىنىڭ ارگەنتيناداعى ەڭ باستى وقيعاسى بولدى. ساپار بارىسىندا ريم پاپاسى ۋرۋگۆاي، ارگەنتينا جانە پەرۋگە بارادى.
ونىڭ ارگەنتيناعا بۇل ساپارى - سوڭعى 40 جىلعا جۋىق ۋاقىت ىشىندەگى العاشقى پاپا رەتىندەگى ساپار. بۇعان دەيىن يوانن پاۆەل II ەلگە 1987-جىلى كەلگەن. مەسسا الدىندا XIV ليەۆ مۇمكىندىگى شەكتەۋلى ادامدارعا ارنالعان Cottolengo Don Orione ورتالىعىنا بارىپ، ەلدىڭ دامۋ دەڭگەيى قوعامنىڭ ەڭ وسال توپتارىنا دەگەن قارىم-قاتىناسىمەن ولشەنەتىنىن ايتقان ەدى.
71 جاستاعى ريم پاپاسى بۇل ساپارىن وكپەسىندەگى قاتەرلى ىسىككە بايلانىستى وتا جاساتقاننان كەيىن ءبىر ايعا جەتپەي باستادى. ساپار بارىسىندا ول الەۋمەتتىك ادىلەتتىلىك ماسەلەلەرىنە دە توقتالىپ، بيلىكتى قوعامنىڭ بارلىق توبىنىڭ مۇددەسىن ەسكەرۋگە شاقىردى.
سونىمەن قاتار ريم پاپاسى XIV لەو 3 ءتىڭ قاراشادا وتكەن ا ق ش كونگرەسىنە ارالىق سايلاۋدا پوشتا ارقىلى داۋىس بەرۋ ءۇشىن بيۋللەتەن سۇراتقانى حابارلانعان بولاتىن.
