ەۋرووداق گرۋزيا ديپلوماتتارى مەن شەنەۋنىكتەرى ءۇشىن ۆيزاسىز رەجيمدى توقتاتتى

استانا. KAZINFORM - ۆيزاسىز رەجيم بەلگىسىز مەرزىمگە جويىلدى، بۇل گرۋزيندىك وكىلەتتى تۇلعالاردى ەۋرووداق اۋماعىنا كىرۋ ءۇشىن ۆيزا سۇراۋدى مىندەتتەيدى، دەپ حابارلايدى Kazinform مەنشىكتى ءتىلشىسى.

Польшаның ЕО Кеңесіне төрағалық етуінің басталуына орай салтанатты шара өтті
Фото: interfax.ru

شەشىم ە و ەلدەرىنىڭ اۋماعىندا نەمەسە حالىقارالىق ۇيىمداردا رەسمي كەزدەسۋلەر مەن باسقا دا ءىس- شارالارعا قاتىساتىن گرۋزيا دەلەگاتسيالارىنىڭ مۇشەلەرىنە قاتىستى. بۇعان قوسا، بۇل گرۋزيانىڭ ۇلتتىق جانە ايماقتىق ۇكىمەتتەرى مەن پارلامەنتتەرىنىڭ، گرۋزيانىڭ كونستيتۋتسيالىق جانە جوعارعى سوتتارىنىڭ مۇشەلەرىنە جانە ديپلوماتيالىق ءتولقۇجات يەلەرىنە قاتىستى.

- باستاما قاراپايىم گرۋزين ءتولقۇجاتتارىنىڭ يەلەرىنە اسەر ەتپەيدى. ولار ءۇشىن قىسقا مەرزىمدى ساپارلار ءۇشىن ە و- عا ۆيزاسىز كىرۋ قۇقىعى ساقتالادى، دەلىنگەن مالىمدەمەدە.

اقپاراتقا قاتىستى تىلشىلەرگە تۇسىنىك بەرگەن گرۋزيا پرەمەر- ءمينيسترى يراكلي كوباحيدزە بۇل شەشىمنىڭ ماڭىزدى ءمانى جوق ەكەنىن مالىمدەدى.

- مەن ەۋروپالىق وداقتىڭ بۇل شەشىمىنەن ەرەكشە ەشتەڭە كورىپ تۇرعان جوقپىن. بۇل جاي عانا تەحنيكالىق ماسەلە. ءبىز ءۇشىن ەڭ باستىسى، ەلىمىزدە تۇراقتىلىق پەن تىنىشتىققا قاۋىپ تونبەۋى. ءبىز ەۋرووداق ەلدەرىنە ۆيزامەن دە، ۆيزاسىز دا بارا الامىز، ونىڭ ايتارلىقتاي ايىرماشىلىعى جوق، - دەدى گرۋزيا پرەمەرى.

بۇل شەشىم گرۋزيانىڭ 2024 - جىلى «شەتەلدىك ىقپالدىڭ اشىقتىعى تۋرالى» زاڭىن («شەتەلدىك اگەنتتەر» تۋرالى زاڭ) جانە «وتباسى قۇندىلىقتارى جانە كامەلەتكە تولماعانداردى قورعاۋ» («ل گ ب ت ناسيحاتىنا» قارسى زاڭ) تۋرالى زاڭنامالىق پاكەتتى قابىلداۋىنا جاۋابى بولدى.

ە و ساناۋىنشا، بۇل زاڭنامالىق اكتىلەر گرۋزين حالقىنىڭ نەگىزگى قۇقىقتارىنا، سونىڭ ىشىندە بىرىگۋ جانە ءسوز بوستاندىعىن، جەكە ومىرگە قول سۇعىلماۋشىلىق قۇقىعىن، مەملەكەتتىك ىستەرگە قاتىسۋ قۇقىعىن جانە كەمسىتۋشىلىكتى كۇشەيتەدى.

ە و مەن گرۋزيا اراسىنداعى ۆيزالاردى جەڭىلدەتۋ تۋرالى كەلىسىم 2011 -جىلدىڭ 1 - ناۋرىزىندا كۇشىنە ەندى. ول گرۋزيا ازاماتتارىنا ە و- دا كەز كەلگەن 180 كۇندىك مەرزىمدە 90 كۇننەن اسپايتىن بولۋ ءۇشىن ۆيزا بەرۋدى جەڭىلدەتۋدى كوزدەدى. ال 2017 - جىلدىڭ ناۋرىز ايىندا كەڭەس پەن ەۋروپارلامەنت گرۋزيا ازاماتتارىن ە و- عا بارعان كەزدە ۆيزا الۋ تالابىنان تولىعىمەن بوساتاتىن قارار قابىلدادى.

ەسكە سالا كەتسەك، جەلتوقساندا ا ق ش مەملەكەتتىك دەپارتامەنتى گرۋزيامەن ستراتەگيالىق سەرىكتەستىكتى توقتاتقانىن مالىمدەدى.

سوڭعى جاڭالىقتار