«پروگرەسس م س-28» كەمەسىنىڭ بولشەكتەرى تىنىق مۇحيتىنا قۇلادى

استانا. KAZINFORM - روسكوسموستىڭ حابارلاۋىنشا، كەمە اتموسفەرانىڭ تىعىز قاباتىنا ەنىپ، بۇزىلعان، دەپ جازادى ت ا س س.

- بۇگىن ح ع س- تا التى اي بولعان جۇك كەمەسى وربيتادان شىعىپ، اتموسفەرانىڭ تىعىز قاباتىنا كىرىپ، جويىلدى. TsNIIMash ۇشۋدى باسقارۋ ورتالىعىنىڭ مالىمەتى بويىنشا، كەمە قۇرىلىمىنىڭ جانباعان ەلەمەنتتەرى تىنىق مۇحيتىنىڭ وڭتۇستىگىندەگى جۇزۋگە بولمايتىن ايماققا قۇلادى، - دەپ اتاپ ءوتتى مەملەكەتتىك كورپوراتسيا.

كەمە ح ع س- تان 25-اقپاندا ماسكەۋ ۋاقىتىمەن 23:17 دە شىعارىلدى. وسىدان كەيىن اۆتونومدى رەيسكە شىققان.

پروگرەسس م س-28 ح ع س- قا 17-تامىزدا جەتتى. سول كەزدە ول حالىقارالىق عارىش ستانساسىنا 2,6 توننا قۇرال-جابدىق پەن عىلىمي جابدىقتار، كيىم- كەشەك، ازىق- تۇلىك، عارىشكەرلەرگە ارنالعان سىيلىقتار مەن باسقا دا پايدالى جۇكتەر، ونىڭ ىشىندە SPIN- X1-MVN رەنتگەن سپەكترومەترىن جەتكىزدى. ونى عارىشكەرلەر جەلتوقسان ايىندا ەكستراۆەگيكۋليارلىق ارەكەت كەزىندە «زۆەزدا» مودۋلىنەن تىس ورناتقان.

پروگرەسس م س-30 جۇك كەمەسى پروگرەسس م س-28 ورنىنا تۇيىسەدى. جۇك كەمەسى بار «سويۋز-2.1ا» زىمىرانى «بايقوڭىر» عارىش ايلاعىنداعى №31 ۇشىرۋ الاڭىندا ورناتىلعان. ۇشىرۋ 28-اقپانعا، ال ح ع س- پەن ءتۇيىسۋى 2-ناۋرىزعا جوسپارلانعان.

بۇعان دەيىن 28-اقپانعا قاراعان ءتۇنى بايقوڭىردان عارىشتىق جۇك كەمەسى ۇشىرىلعانىن حابارلاعان ەدىك.