رومان سكليار قاراعاندى - بالقاش اۆتوجولىن رەكونسترۋكتسيالاۋدى بيىل اياقتاۋدى تاپسىردى
استانا. KAZINFORM – ق ر پرەمەر-ءمينيسترىنىڭ ءبىرىنشى ورىنباسارى رومان سكليار قاراعاندى وبلىسىنا جۇمىس ساپارى بارىسىندا ۇزىندىعى 363 كيلومەتر بولاتىن «قاراعاندى-بالقاش» اۆتوجولىن رەكونسترۋكتسيالاۋ جۇمىسى بارىسىمەن تانىستى.

قازىرگى ساتتە مەردىگەر كومپانيا جول جابىنىنىڭ جوعارعى قاباتىن توسەپ جاتىر.
«قازاۆتوجول» ۇ ك» ا ق قاراعاندى وبلىستىق فيليالىنىڭ ديرەكتورى ەرلان جۇماعۇلوۆ اۆتوجولدىڭ تۇتاس بويىندا اينالىپ وتەتىن جەر جوق ەكەنىن جانە كولىك قۇرالدارى قوزعالىسى قالىپتى جاعدايدا ءجۇرىپ جاتقانىن باياندادى.
جۇمابەك، اقسۋ، اقشاتاۋ، اقسۋ-ايۋلى ەلدى مەكەندەرى مەن بالقاش قالاسى ءۇشىن بەس اينالما جول سالىندى. مەردىگەر بالقاش قالاسىنىڭ ىرگەسىندەگى تەمىرجول ارقىلى وتەتىن وتكەل مەن جول ايرىعى قۇرىلىسىن اياقتادى.
اۋىل شارۋاشىلىعى تەحنيكاسىنىڭ ءوتۋى ءۇشىن 32 جول وتپەسى جانە 11 كوپىر سالىندى. قولدانىستاعى ينجەنەرلىك كوممۋنيكاتسيا جەلىلەرى قايتادان جۇرگىزىلدى.
اۆتوجولداعى جۇمىس كەزەڭ-كەزەڭىمەن جۇزەگە اسۋدا: توسقاۋىل قورشاۋلار ورناتىلىپ، قاردان قورعايتىن قورشاۋلار مەن مال وتكىزبەيتىن قورشاۋلار سالىندى. دەمالىس الاڭدارىن جاساۋ بويىنشا جۇمىس جۇرگىزىلىپ جاتىر. 18 دەمالىس الاڭىنىڭ ىشىندە مودۋلدىك ۇلگىدەگى 8 سانيتارلىق-گيگيەنالىق توراپ بار. ايالداپ وتىراتىن ارنايى ورىندار مەن اۆتوكولىكتەردى جوندەۋگە ارنالعان ەستاكادالار قاراستىرىلعان.
رومان سكليار «قاراعاندى-بالقاش» اۆتوجولىنىڭ «ورتالىق-وڭتۇستىك» كولىك ءدالىزىن دامىتۋ ءۇشىن ماڭىزى زور ەكەنىن اتاپ ءوتىپ، جول-قۇرىلىس جۇمىستارىنىڭ قارقىنىن تومەندەتپەۋدى جانە جولدى رەكونسترۋتسيالاۋدى جىل سوڭىنا دەيىن اياقتاۋدى تاپسىردى.
سونداي-اق جۇمىس ساپارى بارىسىندا ءبىرىنشى ۆيتسە-پرەمەر بالقاش قالاسىندا جىلىتۋ ماۋسىمىنا دايىندىقتى تەكسەردى. ول جىلۋ جەلىلەرى مەن قالالىق ج ە و- نىڭ قايتا جاڭارتىلاتىن ۋچاسكەلەرىمەن تانىستى.
2021-جىلدان باستاپ قالادا ۇزىندىعى 10,6 كيلومەتر ماگيسترالدىق جىلۋ جەلىلەرىنە رەكونسترۋكتسيا جۇرگىزىلىپ جاتىر. جۇمىستى بيىل اياقتاۋ جوسپارلانىپ وتىر، بۇل قالاداعى جىلۋمەن جابدىقتاۋ ساپاسىن جاقسارتۋعا مۇمكىندىك بەرەدى. ىشكى ماگيسترالدىق جانە ورامىشىلىك جىلۋ جەلىلەرىن جاڭارتۋ بويىنشا جۇمىس جۇرگىزىلۋدە. بارلىعى 25 كيلومەتر جىلۋ جەلىلەرى اۋىستىرىلادى.
ءبىرىنشى ۆيتسە-پرەمەرگە بارلىق جۇمىس وتكەن جىلىتۋ ماۋسىمىندا ءۇزىلىس بايقالعان جىلۋ ماگيسترالىنىڭ وسال ۋچاسكەلەرىندە جۇرگىزىلىپ جاتقانى تۋرالى حابارلاندى.
بالقاش ج ە و- دا رومان سكليارعا جاڭا، بەسىنشى قازاندىقتىڭ قۇرىلىسى جايىندا باياندالدى، ونداعى مونتاجداۋ جۇمىسى 2026-جىلدىڭ سوڭىنا دەيىن اياقتالادى دەپ جوسپارلانۋدا.
ستانسا جابدىقتارىن جوندەپ، جاڭعىرتۋعا 2,6 ميلليارد تەڭگە ءبولىندى. ءۇش قازاندىق پەن ەكى تۋربيناعا اعىمداعى جوندەۋ جۇمىسى اياقتالدى. تاعى ءبىر قازاندىق پەن تۋربينانى كۇردەلى جوندەۋ جوسپارلانىپ وتىر.
جىلىتۋ ماۋسىمىنىڭ باسىندا ج ە و ءتورت قازاندىقپەن جۇمىس ىستەيتىن بولادى، بۇل تۇرعىنداردى تۇراقتى جىلۋمەن قامتاماسىز ەتەدى.