رومان سكليار ۇلتتىق ينۆەستيتسيا ورتالىعىن باسقارادى

استانا. KAZINFORM - پرەمەر-ءمينيستردىڭ ءبىرىنشى ورىنباسارى رومان سكليار ينۆەستيتسيالىق قىزمەت جونىندەگى ۇلتتىق ورتالىقتى باسقارادى. بۇل تۋرالى ۇكىمەت باسشىسىنىڭ ينۆەستيتسيالىق قىزمەت جونىندەگى ۇلتتىق ورتالىقتىڭ كەيبىر ماسەلەلەرى تۋرالى وكىمىنە قوسىمشا بەرىلگەن ەرەجەدە ايتىلعان.

«ي ق ۇ و قىزمەتىنە جالپى باسشىلىقتى قازاقستان رەسپۋبليكاسى پرەمەر-ءمينيسترىنىڭ ءبىرىنشى ورىنباسارى ىسكە اسىرادى»، - دەپ جازىلعان ەرەجە ماتىنىندە.

وسىلايشا رومان سكليارعا جاڭا مەملەكەتتىك قۇرىلىمنىڭ باسشىسى مىنانداي مىندەتتەر جۇكتەلەدى:

ي ق ۇ و جۇمىسىن ۇيىمداستىرادى؛

ي ق ۇ و جۇمىسىنا مەملەكەتتىك ورگاندار مەن كۆازيمەملەكەتتىك ۇيىمداردىڭ وكىلدەرىن تارتادى؛

ي ق ۇ و- عا جىبەرىلگەن جۇمىسكەرلەردىڭ مىندەتتەرى مەن فۋنكتسيونالدىق مىندەتتەرىن ايقىنداپ، قاجەت بولعان جاعدايدا مەملەكەتتىك ورگاندار مەن كۆازيمەملەكەتتىك ۇيىمداردىڭ باسشىلارىنا جۇمىسكەرلەردى اۋىستىرۋ جونىندە ۇسىنىستار ەنگىزەدى؛

مەملەكەتتىك ورگاندار مەن كۆازيمەملەكەتتىك ۇيىمدار باسشىلارىنىڭ اتىنا ي ق ۇ و- عا جىبەرىلگەن جۇمىسكەرلەردى كوتەرمەلەۋ نەمەسە جازالاۋ تۋرالى ۇسىنىستار ەنگىزەدى؛

پرەمەر-ءمينيستردىڭ ءبىرىنشى ورىنباسارىن ي ق ۇ و جۇمىسىنىڭ ناتيجەلەرى تۋرالى توقسانىنا ءبىر رەتتەن سيرەتپەي حاباردار ەتىپ تۇرادى؛

ي ق ۇ و جۇمىس توپتارىن قالىپتاستىرادى.