رومان سكليار اقمولا وبلىسىنداعى جىلىتۋ ماۋسىمىنا دايىندىق بارىسىن تەكسەردى
استانا. KAZINFORM - اقمولا وبلىسىنا جۇمىس ساپارى اياسىندا پرەمەر-ءمينيستردىڭ ءبىرىنشى ورىنباسارى رومان سكليار ستەپنوگورسك جانە كوكشەتاۋ قالالارىنىڭ جىلۋمەن جابدىقتاۋ كوزدەرىندەگى جوندەۋ جۇمىسىنىڭ بارىسىمەن تانىستى. بۇل تۋرالى ۇكىمەتتىڭ باسپا ءسوز قىزمەتى حابارلادى.
رومان سكليار ستەپنوگورسك قالاسىنىڭ جەو- داعى قالانىڭ تۇرعىن ءۇي سەكتورىن، زاۆودسكايا كەنتىن، سونداي-اق ەلدى مەكەن اۋماعىنداعى كاسىپورىنداردى جىلۋمەن قامتاماسىز ەتەتىن جوسپارلى جۇمىستاردى تەكسەردى. نىساندى جىلىتۋ ماۋسىمىنا دايىنداۋعا بيىل 7,4 ميلليارد تەڭگە بولىنگەن. ەكى قازاندىق اگرەگاتىن بولشەكتەۋ، تۋربوگەنەراتورلارعا كۇردەلى جانە اعىمداعى جوندەۋ جۇرگىزىلىپ جاتىر. ەكى تۋربوگەنەراتور بويىنشا جۇمىس اياقتالدى.
بيىل ۇزىندىعى 7,5 ك م ماگيسترالدى جىلۋ جەلىلەرىن جوندەۋگە ۇكىمەت رەزەرۆىنەن 2,7 ميلليارد تەڭگە ءبولىندى. مەردىگەر ۇيىم قۇبىردى بولشەكتەۋ جانە توسەۋ جۇمىسىن جۇرگىزەدى. سونىمەن قاتار قالادا 9,6 ك م جىلۋ جەلىسىن رەكونسترۋكتسيالاۋ جوباسى ىسكە اسىرىلا باستادى. ءبىرىنشى ۆيتسە-پرەمەر جىلىتۋ ماۋسىمىنىڭ كەدەرگىسىز ءوتۋى ءۇشىن جۇمىستىڭ ساپاسىن ءارى مەرزىمىندە اياقتالۋىن قامتاماسىز ەتۋدى تاپسىردى.
كوكشەتاۋ قالاسىندا ر. سكليار ا ق-1 جانە ا ق-2 قازاندىقتارىن قاراپ شىقتى. ۇكىمەت رەزەرۆىنەن بولىنگەن 3,7 ميلليارد تەڭگە ەسەبىنەن جىلۋ كوزدەرىن، جىلۋ جەلىلەرىن جوندەۋ، قويمالجىڭ جەتكىزگىش قۇبىرلارىنىڭ سۇيىلتۋ جۇيەسىن رەكونسترۋكتسيالاۋ جانە كۇل ءۇيىندىسى شۇڭقىرىنىڭ بوگەتىن ۇلعايتۋ جۇمىستارى جۇرگىزىلىپ جاتىر.
پرەمەر-ءمينيستردىڭ ءبىرىنشى ورىنباسارى وبلىس ورتالىعىندا ءارقايسىسى 1,5 مىڭ ورىندىق ەكى جايلى مەكتەپتىڭ قۇرىلىس بارىسىمەن تانىستى. نىسانداردا كىرپىش قالاۋ، ارلەۋ، سىرتقى جانە ىشكى ينجەنەرلىك جەلىلەردى ورناتۋ، تەرەزە بلوكتارىن ورناتۋ جۇمىسى جۇرگىزىلىپ جاتىر. رومان سكليار قۇرىلىستىڭ بەلگىلەنگەن مەرزىمدە ساپالى اياقتالۋىن قامتاماسىز ەتۋ قاجەت ەكەنىن اتاپ ءوتتى.
ءبىرىنشى ۆيتسە-پرەمەر م. عابدۋللين كوشەسىندەگى (اقان سەرى كوشەسىنەن ءۋاليحانوۆ كوشەسىنە دەيىن) جول ۋچاسكەسىن رەكونسترۋكتسيالاۋ جۇمىسىمەن تانىستى. اقان سەرى كوشەسىنەن ناۋرىزباي باتىر كوشەسىنە دەيىنگى جىلۋ ماگيسترالىنىڭ وتكىزۋ بولىگىن كەڭەيتۋ جانە قايتا جاڭارتۋ جوسپارلانعان.
ر. سكليارعا وسى جىلدىڭ 1-قىركۇيەگىنە دەيىن جىلۋ جەلىلەرى بويىنشا جۇمىستى ورىنداۋ جوسپارلانعانى، ۋچاسكەنى جوندەۋ 2025 -جىلى اياقتالاتىنى باياندالدى.
اۆتور
ەلميرا ورالبايەۆا
