ەۋروكوميسسيا مەن بەلگيا گازاعا گۋمانيتارلىق كومەك جەتكىزۋ ءۇشىن كۇش بىرىكتىردى

ЕО мен Бельгия Газаға гуманитарлық көмек жеткізу үшін күш біріктірді
Фото: wam.ae

 استانا. KAZINFORM - ەۋروكوميسسيا مەن بەلگيا بريۋسسەلدەن يوردانيا ارقىلى گازاعا جاڭا گۋمانيتارلىق كومەك تاسىمالىن ۇيىمداستىردى.

كومەك بريۋسسەلدە ورنالاسقان Human Smile قايىرىمدىلىق ۇيىمى جيناعان 240 توننا تاۋاردان تۇرادى. ونىڭ ىشىندە گيگيەنالىق زاتتار، ماتراتستار، جاستىقتار، سونداي- اق سابيلەرگە ارنالعان قۇرعاق ءسۇت جانە مۇقتاج پالەستينالىقتارعا كومەكتىڭ باسقا تۇرلەرى بار.

ەۋروپالىق كوميسسيا جۇكتىڭ جەتكىزىلۋىن قامتاماسىز ەتەدى جانە كولىك شىعىندارىن وتەيدى. جۇك تەڭىز ارقىلى يوردانياعا جەتكىزىلىپ، ودان كەيىن گازاعا جىبەرىلەدى.

«مەن بەلگيا مەن بريۋسسەلدىڭ بىرلەسىپ قۇرىلعان بۇل باستاماسىن قۇپتايمىن. بۇل ەۋروپالىق وداقتىڭ، ە و- عا مۇشە مەملەكەتتەردىڭ جانە ءبىزدىڭ گۋمانيتارلىق سەرىكتەستەرىمىزدىڭ ادامدارعا قالاي كومەكتەسەتىنىنىڭ تاماشا ۇلگىسى»، - دەدى داعدارىستى باسقارۋ جونىندەگى كوميسسار يانەز لەنارچيچ.

ونىڭ ايتۋىنشا، مۇنداي درامالىق داعدارىسقا قارسى تۇرۋ ءۇشىن، گازا سەكتورىنداعى بەيبىت تۇرعىنداردىڭ قايعى-قاسىرەتىن جەڭىلدەتۋ ءۇشىن دۇرىس شەشىم قابىلداپ، ىنتىماقتاستىقتىڭ جاڭا مۇمكىندىكتەرىن زەرتتەۋ كەرەك.

سوڭعى جاڭالىقتار