پروكۋروردىڭ ەكس-ورىنباسارىنا شىققان سوت ۇكىمى تۇبەگەيلى وزگەرىپ كەتتى

Екі жасар өгей ұлын өлтірген Теміртау тұрғынына сот үкімі шықты
Фото: Kazinform

استانا. KAZINFORM - ماڭعىستاۋ وبلىستىق سوتىنىڭ قىلمىستىق ىستەر جونىندەگى سوت القاسى اۋداندىق پروكۋروردىڭ بۇرىنعى ورىنباسارىنا قاتىستى قىلمىستىق ءىس اپەللياتسيالىق تارتىپتە قايتا قارالدى، - دەپ حابارلايدى Massaget.kz ءتىلشىسى.

ءبىرىنشى ساتىداعى سوتتىڭ ۇكىمى بويىنشا ت. پروكۋروردىڭ وزگەرتكەن ايىبى بويىنشا ق ك- ءنىڭ 104-بابى 1-بولىگى بويىنشا كىنالى دەپ تانىلىپ، وعان 1 جىل 6 ايعا باس بوستاندىعىن شەكتەۋ جازاسى تاعايىندالعان. مارقۇم اقتاۋ قالالىق مەملەكەتتىك كىرىستەر دەپارتامەنتى باسشىسىنىڭ ورىنباسارى بولعان.

ماڭعىستاۋ سوتىنىڭ اپەللياتسيالىق القاسى ءىستى قارادى: پروكۋروردىڭ ەكس-ورىنباسارى سەگىز جىلعا باس بوستاندىعىنان ايىرىلدى.

«ءىستى زەرتتەۋدىڭ ناتيجەلەرى بويىنشا تومەندەگى جايت انىقتالدى. ت. - نىڭ ءىسى ق ك- نىڭ 106-بابى 3-بولىگى بويىنشا سوتقا بەرىلگەن («ابايسىزدا جابىرلەنۋشىنىڭ ولىمىنە اكەپ سوققان دەنساۋلىققا قاساقانا اۋىر زيان كەلتىرۋ»). سوت وتىرىسىندا مەملەكەتتىك ايىپتاۋشى-پروكۋرور ايىپتاۋدى ونشا اۋىر ەمەس جازاعا - ق ك- ءنىڭ 104-بابى 1-بولىگىنە وزگەرتكەن («ابايسىزدا ادام ولىمىنە اكەپ سوعۋ»). ق پ ك- نىڭ 337-بابى 7-بولىگىنە سايكەس، ەگەر پروكۋرور ايىپتى وزگەرتسە، جابىرلەنۋشى بۇرىنعى ايىپتاۋدى تالاپ ەتپەسە، سوت ءىستى جاڭا ايىپتاۋ بويىنشا قارايدى»، - دەلىنگەن جوعارعى سوتتىڭ باسپا ءسوز قىزمەتى تاراتقان حابارلامادا.

سوت وتىرىسىنىڭ اۋديو-بەينە جازباسىنان سوتتىڭ ايىپتاۋدى وزگەرتۋگە قاتىستى جابىرلەنۋشىنىڭ ۇستانىمىن تۇسىندىرمەگەنى بايقالادى. سوت جارىس ءسوزى بارىسىندا جابىرلەنۋشى ۇسىنىلىپ وتىرعان جازاعا قاتىستى پروكۋرورمەن كەلىسپەگەن.

سونىمەن قاتار پروكۋرور زاڭ تالابىنا ساي ايىپتىڭ جاڭا ءۋاجدى تۇجىرىمىن جازباشا تۇردە ۇسىنباعان.

«ءىستىڭ ءمان-جايىنا سۇيەنە وتىرىپ، جانجال كەزىندە سوتتالۋشى ت. -نىڭ جابىرلەنۋشى م. -نىڭ جامباس تۇسىنان تەپكىلەپ، باسىنان جۇدىرىقپەن ۇرعانى انىقتالدى. سالدارىنان جابىرلەنۋشى قۇلاپ، ەسىن جيماي، العان جاراقاتىنان قايتىس بولعان. ت. - نىڭ كىناسى كۋالاردىڭ ايعاقتارىمەن، سوت-مەديتسينالىق ساراپتاماسىنىڭ قورىتىندىسىمەن راستالدى. جوعارىدا ايتىلعانداردىڭ نەگىزىندە ماڭعىستاۋ وبلىستىق سوتىنىڭ قىلمىستىق ىستەر جونىندەگى سوت القاسىمەن ءبىرىنشى ساتىداعى سوتتىڭ ۇكىمىنىڭ كۇشى جويىلىپ، جاڭادان ايىپتاۋ ۇكىمى شىعارىلىپ، ت. ق ك- نىڭ 106-بابى 3-بولىگى (ابايسىزدا جابىرلەنۋشىنىڭ ولىمىنە اكەپ سوققان دەنساۋلىققا قاساقانا اۋىر زيان كەلتىرۋ) بويىنشا كىنالى دەپ تانىلىپ، وعان 8 جىل مەرزىمگە باس بوستاندىعىنان ايىرۋ تۇرىندەگى جازا تاعايىندالدى»، - دەلىنگەن حابارلامادا.

سوڭعى جاڭالىقتار