پروكۋرور تالدىقورعان پوليتسياسىنىڭ بۇرىنعى باستىعىن 12 جىلعا باس بوستاندىعىنان ايىرۋدى سۇرادى

الماتى. KAZINFORM - تالدىقورعاندا قىز زورلادى دەگەن كۇدىككە ىلىنگەن پوليتسيا باسقارماسىنىڭ بۇرىنعى باستىعى مارات كۇشتىبايەۆقا قاتىستى قىلمىستىق ءىستى قاراۋ جالعاسىپ جاتىر.

جەتىسۋ وبلىستىق سوتى ءمالىم ەتكەندەي، سوت وتىرىسىندا پروكۋرور سوتتالۋشى تالدىقورعان پوليتسياسىنىڭ بۇرىنعى باستىعى مارات كۇشتىبايەۆتى 12 جىلعا باس بوستاندىعىنان ايىرۋدى سۇرادى.

ەسكە سالايىق، بىلتىر قاراشادا تالدىقورعان پوليتسياسىنىڭ باسشىسى مارات كۇشتىبايەۆ قىز زورلادى دەگەن كۇدىكپەن ۇستالعان بولاتىن. مالىمەتكە سەنسەك، قىلمىس ونىڭ كابينەتىندە بولعان.

اقپان ايىنىڭ سوڭىندا مارات كۇشتىبايەۆقا قاتىستى سوت وتىرىسى باستالعان ەدى. پروتسەسس جابىق رەجيمدە ءوتتى.

ناۋرىز ايىندا مارات كۇشتىبايەۆتىڭ دەنساۋلىعى سىر بەرىپ، سوت زالىنان اۋرۋحاناعا الىپ كەتتى.