پروكۋراتۋرا مىندەتتى زەينەتاقى جارنالارىن اۋدارمايتىندارعا ەسكەرتۋ جاسادى
ورال. KAZINFORM - باتىس قازاقستان وبلىسى جاڭاقالا اۋدانىنىڭ پروكۋراتۋراسى تالداۋ اياسىندا مىندەتتى زەينەتاقى جارنالارى اۋدارماۋ فاكتىسىن انىقتادى.

باتىس قازاقستان وبلىستىق پروكۋراتۋراى باسپا ءسوز قىزمەتىنىڭ حابارلاۋىنشا، 2024-جىلدىڭ قاڭتار-شىلدە ايلارى ارالىعىندا «كوممۋنال» مەملەكەتتىك كاسىپورىنى 28 قىزمەتكەرگە 3 ميلليوننان استام زەينەتاقى جارنالارىن تولەمەگەنى انىقتالدى.
اتالعان فاكت بويىنشا پروكۋرورلىق قاداعالاۋ اكتىسى ەنگىزىلدى.
- ونىڭ ناتيجەلەرى بويىنشا «كوممۋنال» مەملەكەتتىك كاسىپورىنى قازاقستان رەسپۋبليكاسى «اكىمشىلىك قۇقىق بۇزۋشىلىقتار تۋرالى» كودەكسىنىڭ 91-بابىنىڭ 6-بولىگىنىڭ 5) تارماعىنا سايكەس اكىمشىلىك جاۋاپكەرشىلىككە تارتىلىپ، (ءبىرىڭعاي جيناقتاۋشى زەينەتاقى قورىنا مىندەتتى زەينەتاقى جارنالارىن، مىندەتتى كاسىپتىك زەينەتاقى جارنالارىن اۋدارماۋى، ۋاقتىلى جانە (نەمەسە) تولىق ەسەپتەمەۋى، ۇستاپ قالماۋى (ەسەپكە جازباۋى) جانە (نەمەسە) تولەمەۋى (اۋدارماۋى)، قارىز تولىعىمەن وتەلدى، - دەلىنگەن حابارلامادا.
وسىعان دەيىن جۇمىس بەرۋشى تولەيتىن مىندەتتى زەينەتاقى جارناسىنىڭ مولشەرى ۇلعايعانى تۋرالى جازعان ەدىك.