روبوت سوت ورىنداۋشى 3 مىڭعا جۋىق ايىپپۇل ءوندىردى

استانا. KAZINFORM – ق ر ادىلەت مينيسترلىگىنىڭ رەسمي وكىلى تالعات ءۋالي روبوت سوت ورىنداۋشىنىڭ جۇمىسىنا تۇسىنىك بەردى.

جىل باسىندا تاراز قالاسىندا 10 ا ە ك- كە دەيىنگى اكىمشىلىك ايىپپۇلداردى وندىرەتىن «روبوت» جەكە سوت ورىنداۋشىسىن ىسكە قوسقان ەدى.

وسىعان دەيىن ازاماتتار سالىنعان ايىپپۇلدى ۋاقىتىندا وتەي الماعان جاعدايدا ونىڭ %25 عا دەيىنگى سوماسىن جەكە سوت ورىنداۋشىعا تولەۋگە مىندەتتى بولاتىن.

ەندى بۇل قىزمەتتى روبوت تەگىن اتقارادى.

جاڭا جوبانىڭ ارقاسىندا ەل ازاماتتارى 2 ميلليارد تەڭگەگە دەيىن ۇنەمدەي الادى.

«بۇل جەكە سوت ورىنداۋشى قىزمەتىنە اقى تولەۋ بويىنشا ازاماتتاردىڭ قارجىلىق جۇكتەمەسىنە، سونداي- اق قاعاز جەتكىزگىشتەگى قۇجاتتان جانە ادامي فاكتوردان تولىعىمەن باس تارتۋعا وڭ اسەر ەتەدى. قازىرگى ۋاقىتتا روبوت 2876 اتقارۋشىلىق ءوندىرىس قوزعادى، 4278876 تەڭگە سوماسىنا 226 ءوندىرىس تولەندى»، - دەدى ت. ءۋالي مينيسترلىك ۇيىمداستىرعان بريفينگتە.

جاقىن ارادا پيلوتتىق جوبانى رەسپۋبليكاعا تاراتۋ جوسپارلانىپ وتىر.

سونىمەن بىرگە، مينيسترلىك ادىلەت ورگاندارى سالالارىن سيفرلاندىرۋ ماسەلەلەرىنە ەرەكشە نازار اۋدارادى.

ماسەلەن، 29-اقپاننان باستاپ Kaspi قوسىمشاسىندا قوزعالعان اتقارۋشىلىق ءىس جۇرگىزۋ تۋرالى حابارلاما ىسكە قوسىلدى.

بيىلعى 4-ناۋرىزدان باستاپ كوممەرتسيالىق ەمەس ۇيىمداردى تىركەۋ جونىندەگى مەملەكەتتىك قىزمەت «ەلەكتروندىق ۇكىمەت» پورتالىندا قولجەتىمدى بولدى.

وسىلايشا، كوممەرتسيالىق ەمەس ۇيىمدار ەندى eGov پورتالى ارقىلى مەملەكەتتىك قىزمەتتى الۋعا ءوتىنىش بەرەدى.

«ۇلتتىق اقپاراتتىق تەحنولوگيالار» ا ق جانە eGovMobile Business قوسىمشاسىندا زاڭدى تۇلعالار ءۇشىن ونلاين سەنىمحات جوباسىن ىسكە اسىرىپ جاتىر.

وسىلايشا، زاڭدى تۇلعا باسشىلارى ءوز قىزمەتكەرىنە سەنىمحاتتى ەلەكتروندى تۇردە بەرە الادى.

ناتيجەسىندە وسىنداي سەنىمحاتتار «سيفرلىق قۇجاتتار» سەرۆيسىندە ودان ءارى تالاپ ەتۋ ورنى بويىنشا ۇسىنىلماق.