10:12, 05 - مامىر 2024 | GMT +5
ەۋروپارلامەنت دەپۋتاتىنا شابۋىل جاسالدى
استانا. KAZINFORM - گەرمانيانىڭ درەزدەن قالاسىندا جۇما كۇنى كەشكىسىن ەۋروپالىق پارلامەنتتىڭ مۇشەسى ماتتياس ەككەگە شابۋىل جاسالدى، دەپ حابارلايدى Kazinform اگەنتتىگىنىڭ مەنشىكتى ءتىلشىسى.
41 جاستاعى ماتتياس ەككە سوتسياليستەر پارتياسىنىڭ ەۋروپالىق پارلامەنتتەگى مۇشەسى. ول 4 جاس جىگىتتىڭ شابۋىلىنان سوڭ اۋىر جاراقات الدى جانە وپەراتسيانى قاجەت ەتەدى.
گەرمانيانىڭ سوتسيال-دەموكراتيالىق پارتياسى م. ەككەگە شابۋىل ءۇشىن ۋلتراوڭشىل توپتاردى ايىپتاپ وتىر.
ەۋروپالىق پارلامەنت ءتوراعاسى روبەرتا مەتسولا ايۋاندىقپەن جاسالعان شابۋىلدى ايىپتاپ، كىنالىلەردى جاۋاپقا تارتۋعا شاقىردى.
«ماتتياس، ەۋروپالىق پارلامەنت ءسىزدى قولدايدى»، - دەپ جازدى ول «X» الەۋمەتتىك جەلىسىندە.
