ەۋروپالىق وداقتا سيفرلىق قىزمەتتەر تۋرالى زاڭ كۇشىنە ەندى

زاڭ الەۋمەتتىك جەلىلەردى پايدالانۋشىلاردى زاڭسىز كونتەنت پەن قىزمەتتەردەن قورعاۋ شارالارىن قابىلداۋعا مىندەتتەيدى. وشپەندىلىك نەمەسە جالعان اقپارات تاراتاتىن جازبالار تەز ارادا جويىلادى، دەپ حابارلايدى DW.

17- اقپاندا ە و بارلىق ەلدەرىندە ينتەرنەت-پلاتفورمالار مەن الەۋمەتتىك جەلىلەردى پايدالانۋشىلاردى زاڭسىز مازمۇننان، تاۋارلار مەن قىزمەتتەردەن قورعاۋ شارالارىن قابىلداۋعا مىندەتتەيتىن سيفرلىق قىزمەتتەر تۋرالى زاڭ (DSA) كۇشىنە ەندى.

وشپەندىلىك، اگرەسسيانى ناسيحاتتايتىن نەمەسە جالعان اقپاراتتى قامتيتىن جازبالار تەز ارادا جويىلادى.

ەرەكشە جاۋاپكەرشىلىك ە و- دا 45 ميلليوننان استام پايدالانۋشىسى بار Facebook، Amazon جانە Google سياقتى ءىرى ونلاين پلاتفورمالارعا جۇكتەلەدى. وتە ۇلكەن پلاتفورمالار ءۇشىن DAS ەرەجەلەرى 2023-جىلدىڭ 25- تامىزىنان باستاپ قولدانىلادى. ولار ەۋروپالىق كوميسسيانىڭ تىكەلەي باقىلاۋىندا.

پايدالانۋشىلاردىڭ وتە ۇلكەن پلاتفورمالار تۋرالى شاعىمدارىن رەتتەۋشىگە تىكەلەي جىبەرۋ مۇمكىندىگى بار.