ەۋروپالىق وداق ۋكرايناعا 6-ناۋرىزدا جۇزدەگەن ميلليارد ەۋرو قارجى ءبولۋى مۇمكىن - ماكرون
استانا. KAZINFORM - ەۋروپالىق وداق 6-ناۋرىزدا وتەتىن سامميتىندە ۋكرايناعا جۇزدەگەن ميلليارد ەۋرو كولەمىندە قارجى ءبولۋدى ماقۇلداۋى مۇمكىن. بۇل تۋرالى فرانسيا پرەزيدەنتى ەممانۋەل ماكرون La Tribune گازەتىنە بەرگەن سۇحباتىندا ايتتى، دەپ جازدى تاسس.
- بۇل كەزدەسۋدىڭ ماقساتى - ۋكرايناعا قولداۋدى كۇشەيتۋ جانە ەۋروكوميسسياعا مۇمكىندىگىنشە تەزىرەك اۋقىمدى بىرلەسكەن قارجىلاندىرۋدى باستاۋ مانداتىن بەرۋ. ويتكەنى، ءبىزدىڭ قاۋىپسىزدىگىمىزگە قاتەر ءتونىپ تۇر. بۇل ورايدا، 6-ناۋرىزداعى سامميت وتە ماڭىزدى. ول كەزدە اۋقىمدى قارجىلاندىرۋ جۇزدەگەن ميلليارد ەۋرونى قۇراۋى مۇمكىن، - دەدى فرانسۋز باسشىسى.
گازەت جازعانداي، فرانسيا پرەزيدەنتى ۋكراينانى قارجىلاندىرۋ جانە ەۋروپالىق قاۋىپسىزدىك ارحيتەكتۋراسىن قۇرۋ جىلدارعا سوزىلاتىنىنا سەنىمدى.
- سوندىقتان ءبىز قىسقا مەرزىمدە ا ق ش-تىڭ قولداۋىن ساقتاۋ ءۇشىن بارلىعىن جاساۋىمىز كەرەك، - دەگەن ماكرون.
ول ا ق ش پرەزيدەنتى دونالد ترامپ پەن ۆلاديمير زەلەنسكي اراسىنداعى كيكىلجىڭگە قاتىستى پىكىرىندە ەكى جاقتى دا سابىرعا شاقىرادى.
ايتا كەتەيىك، بۇعان دەيىن ترامپ ا ق ش پەن رەسەي اراسىندا ۋكرايناعا قاتىستى كەلىسسوزدەردىڭ ەكىنشى راۋندى تۋرالى مالىمدەگەن.
