رونالدۋنىڭ تويى قالاي ءوتتى: جەلىدە العاشقى ۆيدەولار جاريالاندى
الەمدىك فۋتبول جۇلدىزى كريشتيانۋ رونالدۋ مەن سۇيىكتىسى دجوردجينا رودريگەس رەسمي تۇردە نەكەلەرىن قيدى.
جەلىدە اپتا بويى تويدىڭ قايدا، قاشان جانە كىمدەردىڭ قاتىسۋىمەن وتەتىنى جايلى ءتۇرلى سىبىستار تاراعان بولاتىن. الايدا جۋىردا Vogue جۋرنالى جۇپتىڭ ەكسكليۋزيۆتى سۋرەتتەرى مەن العاشقى بەينەجازبالارىن جاريالاپ، ۇيلەنۋ تويىنىڭ قالاي وتكەنىن كورسەتتى.
جۇپ نەكە قيۋ ءراسىمىن وزدەرى ءۇشىن ماڭىزدى 11-تامىزعا قويعان كۇنگە جوسپارلاعان. سەبەبى ءدال 10 جىل بۇرىن ولار ءدال وسى كۇنى مادريدتەگى Gucci دۇكەنىندە تانىسقان ەدى.
ءسان-سالتاناتى كەلىسكەن ۇلكەن تويدىڭ ورنىنا، الەۋمەتتىك جەلىدە 750 ميلليون استام وقىرمانى بار جۇپ پورتۋگاليانىڭ كاشكايش قالاسىنداعى ءوز ۇيلەرىندە، قوناقتارسىز شاعىن وتباسىلىق جيىن وتكىزۋدى ءجون كورگەن. نەكە قيۋ راسىمىنە تەك بەس بالاسى مەن ەڭ جاقىن 4 كۋاگەرى قاتىستى.
«بالا كەزىمدە ءزاۋلىم ساراي مەن ۇزىن كويلەكتى ارمانداۋشى ەدىم. ال قازىر ەڭ ماڭىزدىسى - ءوز ۇيىمىزدە، جۇبايىممەن جانە بالالارىمىزبەن بىرگە وتكەن وسىنداي وڭاشا ءسات. سەبەبى ساراي، كولىك پەن ارالدار ءبىزدىڭ ومىرىمىزدە كۇندەلىكتى تىرشىلىككە اينالعان، ال وتباسىمىزبەن وڭاشادا جينالاتىن كەز - ءبىز ءۇشىن سيرەك كەزدەسەتىن باقىت»، - دەيدى دجوردجينا.
Vogue ۇسىنعان ەكسكليۋزيۆتى بەينەجازبالار مەن فوتوسسەسيادان كەيىن عاشىقتاردىڭ شىركەۋگە بارىپ، باتا العانى دا بەلگىلى بولدى.
بولاشاقتا كريشتيانۋ مەن دجوردجينا بارلىق دوستارى مەن جاقىندارىنىڭ باسىن قوسىپ، اۋقىمدى توي وتكىزۋدى دە جوسپارلاپ وتىر.
Kursiv.Media
