رونالدۋ پورتۋگاليا قۇراماسىنان كەتۋ تۋرالى شەشىم قابىلدادى
استانا. KAZINFORM - كريشتيانۋ رونالدۋ پورتۋگاليا قۇراماسىنىڭ ساپىنان كەتۋ تۋرالى شەشىم قابىلداعانىن مالىمدەدى.
بۇل تۋرالى پورتۋگاليالىق فۋتبولشى Instagram پاراقشاسىندا جازدى.
- ۇلتتىق قۇرامانىڭ باس باپكەرى وتكىزگەن باسپاءسوز ءماسليحاتىنان كەيىن جانە پورتۋگاليا فۋتبول فەدەراتسياسىنىڭ پرەزيدەنتىمەن سويلەسكەن سوڭ قۇرامانىڭ ساپىنان كەتۋ تۋرالى شەشىم قابىلدادىم،-دەپ جازدى رونالدۋ.
فۋتبولشى بۇل شەشىمگە نە سەبەپ بولعانىن كەيىنىرەك تۇسىندىرەتىنىن ايتتى.
- ۋاقىتى كەلگەندە ۇلتتىق قۇرامادان كەتۋىمە تۇرتكى بولعان سەبەپتەردىڭ اق- قاراسىن بۇكىل پورتۋگاليا حالقىنا ايتىپ بەرەمىن. ويتكەنى مەن بۇل قۇراما ءۇشىن ءاردايىم بارىمدى سالىپ كەلدىم،-دەدى ول.
ءسوز سوڭىندا رونالدۋ پورتۋگاليا قۇراماسىنا جانە ۇلتتىق قۇراماداعى ارىپتەستەرىنە ساتتىلىك تىلەدى.
- ەندى پورتۋگاليا قۇراماسىنا جانە بارلىق كوماندالاسىما ساتتىلىك تىلەيتىن كەز كەلدى،- دەپ جازدى فۋتبولشى.
بيىل تامىزدا پورتۋگاليالىق فۋتبولشى كريشتيانۋ رونالدۋ وسى ماۋسىم كاسىبي مانسابىنداعى سوڭعى كەزەڭ بولۋى مۇمكىن ەكەنىن مالىمدەگەن ەدى.
