ەۋروپادا سانتا-كلاۋستار جارىستى

استانا. KAZINFORM - سانتا-كلاۋستاردىڭ جىل سايىنعى قايىرىمدىلىق جارىستارى بۇكىل ەۋروپادا ءوتتى، دەپ حابارلايدى قازاقپارات  Euronews-كە سىلتەمە جاساپ.

فرانسيادا قاتىسۋشىلار قىزعىلت-اق قالپاقپەن، ال ماجارستاندا قىزعىلت-اق شومىلۋ كيىمىن كيىپ جۇگىردى.

روجدەستۆولىق كيىم كيگەن ءتۇرلى جاستاعى بەس مىڭعا جۋىق ادام پريشتينداعى اۋرۋحانانىڭ بالالار بولىمىنە اقشا جيناۋ ءۇشىن كوسوۆودا جىل سايىنعى مارافوندا جۇگىردى.

وسى ارادا، فرانسيادا جۇگىرۋشىلەر پاريجدىڭ وڭتۇستىك- باتىس شەتىندەگى يسسي-لە-مۋلينودا 10 شاقىرىمدى باعىندىردى. شارانى ۇيىمداستىرۋشىلار مىڭداعان قاتىسۋشىلارعا قىزعىلت-اق قالپاق پەن جامىلعى تاراتتى. اياز اتالاردىڭ اراسىندا ءبىر گرينچ دە بولدى.

- گرينچ - بۇل روجدەستۆونىڭ رۋحى. اقىرىندا، بۇل وقيعا كوڭىلدى اياقتالادى. ول جامان گرينچ ەمەس، مەيىرىمدى گرينچ! - دەيدى جارىسقا قاتىسۋشىلاردىڭ ءبىرى، ماركەتولوگ فيليپپ لالەر.

ال ۆەنگريا استاناسى بۋداپەشتتە قاتىسۋشىلار قىزعىلت-اق شومىلۋ كيىمىن كيىپ جۇگىردى.

- شارانى العاش كورگەندە، بۇل ماعان ارنالعان ورىن ەكەنىن سەزىندىم جانە قاتەلەسپەدىم. بۇل بىزگە عانا ەمەس، ءوتىپ بارا جاتقان ادامدارعا دا كەرەمەت اسەر قالدىراتىن تاماشا مەرەكە، - دەدى جارىسقا قاتىسۋشى كلارا ميچان.

سانتا-كلاۋستار جارىسى 21 جىل قاتارىنان وتكىزىلىپ كەلەدى. قاتىسۋشىلار تولەگەن جارنالار قايىرىمدىلىققا جۇمسالادى.

ايتا كەتەيىك، بۇدان بۇرىن ءۇندى مۇحيتىنداعى فرانسياعا تيەسىلى مايوتتا ارحيپەلاگىندا «شيدو» اتتى جويقىن سيلوننان سوڭ ماكرون ۇلتتىق ازا تۇتۋ جاريالايتىنىن ءمالىم بولدى.

اۆتور

زارينا تۋعانبايەۆا