22:46, 13 - ماۋسىم 2024 | GMT +6
ەۋروپادا دەنگە بەزگەگى تەز تاراپ بارادى
ەۋروپادا دەنگە بەزگەگىن جۇقتىرۋ دەرەكتەرى كوبەيدى. ادەتتە ول وڭتۇستىك- شىعىس ازيا، افريكا مەن كارىب باسسەينى ەلدەرىندە كەزدەسەتىن. ءبىراق ەندى كارى قۇرلىقتا دا تاراۋدا. بىلتىر 130 دەرەك راستالدى.
سالىستىرۋ ءۇشىن ايتساق، ونىڭ الدىنداعى 10 جىل ىشىندە مۇندا بارلىعى 71 وقيعا تىركەلگەن. دەنگەنى جۇقتىرعان ادامنىڭ قىزۋى كوتەرىلىپ، باسى اۋىرادى، بۋىندارى سىرقىراپ، دەنەسى ءبورتىپ كەتەدى. ماماندار ەۋروپادا ونىڭ تەز تاراۋىنا كليماتتىڭ وزگەرۋى سەبەپ بولۋى مۇمكىن دەيدى. ويتكەنى جاھاندىق جىلىنۋدان ەۋروپادا وسى بەزگەكتى تاراتاتىن ماسالاردىڭ كوبەيۋىنە قولايلى جاعداي بولىپ تۇر.
