ەۋروپا چەمپيونات: گەرمانيا قۇراماسى شوتلانديانى ءىرى ەسەپپەن جەڭدى

استانا. KAZINFORM - فۋتبولدان 2024 -جىلعى ەۋروپا چەمپيوناتىنىڭ تۇساۋكەسەر ويىنىندا گەرمانيا قۇراماسى شوتلانديادان ءىرى ەسەپپەن باسىم ءتۇستى.

Euro-2024: Германия құрамасы Шотландияны ірі есеппен жеңді
Фото: championat.com

كەزدەسۋ بارىسىندا گەرمانيالىق فۋتبولشىلار تىزگىندى ويىن باسىنان قولىندا ۇستاۋعا تىرىستى. العاشقى مينۋتتان قارسىلاس قۇراما قاقپاسىنا شابۋىل ۇيىمداستىرىپ، گول سوعاتىن مۇمكىندىكتى ىزدەدى. ويىننىڭ 10-مينۋتىندا ولاردىڭ قاتارىنان فلوريان ۆيرتس قاقپادان ساڭىلاۋ تاۋىپ، دوپ دوداسىنداعى العاشقى گولدىڭ اۆتورى اتاندى.

ال 19-مينۋتتا ارىپتەسى كاي حاۆەرتستىڭ بەرگەن پاسىن دجامال مۋسيالا ءمۇلت جىبەرگەن جوق. فرانسيالىق باس تورەشى كلەمان تيۋرپەن 46-مينۋتتا شوتلانديا قاقپاسىنا بەلگىلەگەن پەنالتيدى كاي حاۆەرتس شەبەر ورىنداي ءبىلدى.

ەكىنشى كەزەڭدە دە گەرمانيالىق فۋتبولشىلار باسىمدىقتى ارتتىرا ءتۇستى. الاڭنىڭ قوس قاناتىنان جۇيەلى تۇردە شابۋىلعا كوشتى. ويىننىڭ 68-مينۋتىندا گەرمانيالىق نيكلاس فيۋللكرۋگ گول سوقسا، 87-مينۋتتا انتونيو رودريگەر اۆتوگول اۆتورى اتاندى. قورىتىندى ەسەپتى 93-مينۋتتا گەرمانيالىق ەمرە جان بەلگىلەدى. وسىلايشا گەرمانيا قارسىلاسىنان 5:1 ەسەبىمەن باسىم ءتۇستى.

اۆتور

ءادىلجان ۇمبەت

سوڭعى جاڭالىقتار