ەرتىس وزەنىندە كەمە كاپيتانى سۋعا باتىپ كەتتى

پاۆلودار. KAZINFORM - سۇڭگۋىرلەر سۋعا باتقان ازاماتتى كەشەدەن بەرى ىزدەپ جاتىر. الدىن الا بولجام بويىنشا، ول كەمە پالۋباسىنان سۋعا قۇلاپ كەتكەن.

قايعىلى وقيعا تۋرالى پاۆلودار وبلىسى توتەنشە جاعدايلار دەپارتامەنتىنىڭ باسپا ءسوز قىزمەتى حابارلادى.

«8-مامىر كۇنى ساعات 23.25-تە پاۆلودار وبلىسى توتەنشە جاعدايلار دەپارتامەنتىنىڭ داعدارىس جاعدايلارىن باسقارۋ باسقارماسىنا 102 وپەراتورىنان ەرتىس وزەنىندە كەمە كاپيتانى سۋعا باتىپ كەتتى دەگەن حابار ءتۇستى. وقيعا اققۋلى اۋدانىنىڭ شابار اۋىلى ماڭىندا بولعان. 9-مامىردا وقيعا ورنىنا 4 سۇڭگۋىرشى جىبەرىلدى. ءبىر تاۋلىكتە ىزدەۋ جۇمىستارى ناتيجە بەرمەدى. ىزدەستىرۋ جۇمىستارىن سۋ دەڭگەيىنىڭ كوتەرىلۋى، قاتتى جەل مەن وزەن اعىنى قيىنداتىپ وتىر. ەرتەڭ تاڭ اتىسىمەن سۇڭگۋىرلەر ىزدەۋ-قۇتقارۋ جۇمىستارىن قايتا جالعاستىراتىن بولادى»، - دەپ حابارلادى دەپارتامەنتتەن.

كەمە «قازاقستان سۋ جولدارى» ر م ك ك- عا تيەسىلى بولعان. بولجام بويىنشا، كەمە كاپيتانى پالۋبا ۇستىندە تۇرعاندا وزەنگە قۇلاپ، باتىپ كەتكەن.

اۆتور
مۇرات اياعان