ەرتىس وزەنىندە جۇقا مۇزعا شىعىپ، سۋرەتكە تۇسپەك بولعان قىز ويىققا قۇلاپ كەتتى
پاۆلودار. KAZINFORM - توتەنشە جاعدايلار قىزمەتكەرلەرى پاۆلودار قالاسىنىڭ ورتالىق جاعالاۋىندا ەرتىس وزەنىنىڭ ۇستىنە شىعىپ، مۇز استىنا ءتۇسىپ كەتكەن 1994 - جىلعى قىزدى قۇتقارىپ الدى.
ەرتىس وزەنىندەگى رەيدتىك ءىس- شارالار بارىسىندا پاۆلودار وبلىسى توتەنشە جاعدايلار دەپارتامەنتى جەدەل- قۇتقارۋ جاساعىنىڭ قىزمەتكەرلەرى مۇزدىڭ استىنا قۇلاپ كەتكەن ادامدى كورگەن.
- قۇتقارۋشىلار بىردەن كومەككە اسىقتى. ولار 1994 - جىلى تۋعان قىزدى جەدەل تۇردە سۋدان شىعارىپ، وعان العاشقى مەديتسينالىق كومەك كورسەتتى. سول ەكى ورتادا جەتىپ ۇلگەرگەن جەدەل جاردەم قىزمەتكەرلەرىنە تاپسىردى. بەلگىلى بولعانداي، ول سۇرەتكە ءتۇسۋ ءۇشىن جۇقا مۇزعا شىققان. الايدا مۇز قىزدىڭ سالماعىنا شىداماي، ويىلىپ كەتكەن، - دەپ حابارلادى دەپارتامەنتتىڭ باسپا ءسوز قىزمەتىنەن.
قۇتقارۋشى دانيل سولوۆەي مۇز ۇستىنە شىعۋعا تىيىم سالىنعانىن ەسكە سالادى. اۋا رايىنا بايلانىستى قازىرگى ۋاقىتتا وزەندەگى مۇزدىڭ قاتۋى بىركەلى ەمەس.
