گرەتسياداعى ورمان ءورتى: قازاقستاندىق ياحتا جولاۋشىلارىنا ايىپ تاعىلدى

поджог на острове Идра
Фото: Facebook

استانا. KAZINFORM - گرەك پروكۋراتۋراسى جەكە ياحتا بورتىندا بولعان سەگىز قازاقستاندىق جولاۋشىعا سارونيك ارالىنداعى گيدراداعى ورتكە قاتىسى بار دەگەن ايىپ تاعىپ وتىر. بۇل تۋرالى گرەكيانىڭ جەرگىلىكتى ب ا ق- تارى جازدى.

كامەلەتكە تولماعان ەكى جولاۋشىعا ايىپ تاعىلعان جوق. گرەك بيلىگى قازاقستاننان كومەك سۇراپ وتىر. سەبەبى ياحتانى جالعا العان تۋريستەر گرەكيادان تەرگەۋگە الىنباي تۇرىپ، كەتىپ قالعان. ايىپتاۋ قورىتىندىسىنا ءورت ورنىندا پروكۋرور تاعايىنداعان سوت-مەديتسينالىق ساراپتاماسى كەزىندە تابىلعان جاڭا دالەلدەر سەبەپ بولىپ وتىر. ءورت سوندىرۋشىلەر جالىن تۇتانعان بۋحتادان وتشاشۋ قالدىقتارىن تاپقانى حابارلاندى.

بۇل رەتتە ياحتا كاپيتانى مەن ءبىرىنشى كومەكشىسى قاماۋعا الىندى، ال قالعان ۇستالعان ەكيپاج مۇشەلەرى شەكتەۋلەرمەن كەپىلگە بوساتىلعان. سونىمەن بىرگە، پيرەي پروكۋراتۋراسى Hydra ورتىنە قاتىستى ءىس بويىنشا ءورتتى ءسوندىرۋ جانە پورت بيلىگىنىڭ ارەكەتتەرىنە قاتىستى الدىن الا تەرگەۋدى باستادى. ياحتانى جالعا الۋشىلاردىڭ ورتكە قاتىسى بار دەگەن كۇدىككە قاراماستان گرەكيادان كەتۋىنە مۇمكىندىك بەرگەن كەز كەلگەن اقاۋلاردى تەكسەرۋ باستى نازارعا الىنعان.

بۇعان دەيىن OCCRP جۋرناليستەر كونسورتسيۋمى رەليكتى ورماندى قيراتىپ، وتشاشۋلار اتىلعان ياحتادا دەمالىپ جاتقان جولاۋشىلاردىڭ ءتىزىمىن جاريالادى. كۇدىكتىلەر قاتارىندا كاسىپكەر دانيار ءابىلعازين مەن حالىق بانكىنىڭ باسشىسى ءۇمىت شاياحمەتوۆانىڭ ەسىمدەرى بار.

ەسكە سالا كەتەيىك بۇعان دەيىن گرەكيانىڭ گيدرا ارالىنداعى ورمان ورتىنەن كەيىن 13 ادام قاماۋعا الىنعانى تۋرالى جازعان ەدىك.

ارتىنشا ق ر س ءى م «ۇستالعانداردىڭ اراسىندا قازاقستاندىقتار جوق» دەپ رەسمي مالىمدەمە جاساعان بولاتىن.

سوڭعى جاڭالىقتار