ەرتەڭ تۇركىستان وبلىسىنا جاڭا اكىم تاعايىندالادى
تۇركىستان. KAZINFORM- تۇركىستاندا دەپۋتاتتار وبلىس اكىمىن تاعايىنداۋ ءۇشىن باس قوسادى.
قازاقستان رەسپۋبليكاسى پرەزيدەنتىنىڭ 2022-جىلعى 8-ماۋسىمداعى 912-جارلىعىمەن بەكىتىلگەن وبلىس اۋماعىندا ورنالاسقان ءماسليحاتتار نەمەسە رەسپۋبليكالىق ماڭىزى بار قالالار جانە استانا ءماسليحاتتارى دەپۋتاتتارىنىڭ وبلىس، رەسپۋبليكالىق ماڭىزى بار قالا جانە استانا اكىمىن لاۋازىمعا تاعايىنداۋعا كەلىسىم بەرۋى قاعيدالارىنىڭ 5,6-تارماقتارىنا سايكەس، ەرتەڭ تۇركىستان وبلىسى اۋماعىندا ورنالاسقان ءماسليحاتتار دەپۋتاتتارىنىڭ جينالىسى وتەدى.
كۇن تارتىبىندەگى نەگىزى ماسەلە - تۇركىستان وبلىسى اكىمىنىڭ كانديداتۋراسىنا كەلىسىم بەرۋ. بۇل تۋرالى وبلىستىق ءماسليحات اپپاراتى ءتوراعاسىنىڭ ارنايى شاقىرتۋى رەسمي سايتتا جاريالاندى.
ءدال قازىر تۇركىستان وبلىسى اكىمىنىڭ قىزمەتىن دارحان امانگەلدى ۇلى ساتىبالدى اتقارىپ كەلەدى. ول بۇل قىزمەتكە 2022-جىلى تاعايىندالعان بولاتىن.
