رەسەيلىكتەر ورالعا جاپپاي كوشىپ كەلىپ جاتىر دەگەن حابار راس پا

ورال. KAZINFORM - الەۋمەتتىك جەلىدە رەسەيلىكتەردىڭ ورالعا جاپپاي كوشىپ كەلىپ جاتقانى جونىندە بەينەجازبا تارادى.

بەينەجازبادا ەر ادام ورىستاردىڭ جۇكتەرىمەن، زاتتارىمەن سوعىستان قاشىپ كەلىپ جاتقانىن ايتادى.

ب ق و پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەندەي، 26-تامىزعا قاراعان ءتۇنى ورالعا رەسەيدەن بوسقىنداردىڭ ءۇش اۆتوبۋسپەن كەلگەنى تۋرالى بەينەجازبا الەۋمەتتىك جەلىدە كەڭىنەن تارالعان.

«اتالعان اقپارات شىندىققا جاناسپايدى. شىن مانىسىندە بۇلار - رەسەي فەدەراتسياسىنداعى ج و و-لارعا تۇسكەن ب ق و مەكتەپتەرىنىڭ تۇلەكتەرى. اتاپ ايتقاندا، بەينەجازباعا قازانعا بارا جاتقان ابيتۋريەنتتەر (135 تەي ادام) تۇسكەن. قوعامدىق ءتارتىپتى بۇزۋ نەمەسە ازاماتتاردىڭ نەمەسە ۇيىمداردىڭ قۇقىقتارى مەن زاڭدى مۇددەلەرىنە نە قوعامنىڭ نەمەسە مەملەكەتتىڭ زاڭمەن قورعالاتىن مۇددەلەرىنە ەلەۋلى زيان كەلتىرۋ قاۋپىن توندىرەتىن كورىنەۋ جالعان اقپارات تاراتقانى ءۇشىن ق ر زاڭىنا سايكەس قىلمىستىق جاۋاپكەرشىلىك قاراستىرىلعانىن ەسكە سالامىز»، دەپ حابارلادى ۆەدومستۆودان.

اۆتور
عايساعالي سەيتاق