رەسەيلىك كومپانيا تۇركيادا ەكىنشى اتوم ەلەكتر ستانتسياسىن سالادى
استانا. KAZINFORM - رەسەيلىك «روساتوم» مەملەكەتتىك كورپوراتسياسىنىڭ تۇركيانىڭ سينوپ قالاسىندا ەكىنشى اتوم ەلەكتر ستانساسىن سالۋعا ءوتىنىمى باسقا باسەكەلەستەرىنەن باسىم ءتۇستى.
ەلىمىزدىڭ ەنەرگەتيكا جانە تابيعي رەسۋرستار ءمينيسترى ا. بايراكتاردىڭ ايتۋىنشا، «روساتوم» - تۇركياعا ينۆەستيتسيا سالىپ، اتوم ەلەكتر ستانتسيالارىن سالۋدا ءبىرشاما تاجىريبە جيناقتاعان كومپانيا.
ءمينيستردىڭ سوزىنە قاراعاندا، سينوپ اتوم ەلەكتر ستانتسياسى مەملەكەتتىك جانە جەكە سەكتور اراسىنداعى بىرلەسكەن كاسىپورىنعا اينالۋى مۇمكىن جانە ونى ليتسەنزيالاۋ شامامەن 2-3 جىلعا سوزىلادى.
قازىرگى ۋاقىتتا تۇرىك بيلىگى قىتايمەن فراكيادا ا ە س سالۋ جانە ا ق ش- پەن شاعىن مودۋلدىك رەاكتورلار سالۋ تۋرالى كەلىسسوزدەردى جالعاستىرىپ جاتىر. امەريكالىق Westinghouse Electric Company تۇركيادا شاعىن جانە قاراپايىم اتوم رەاكتورلارىن سالۋعا نيەتتى ەكەندىگى اتالىپ ءوتتى.
تۇركيانىڭ ەنەرگەتيكا مينيسترلىگى وڭتۇستىك كورەيا مەن ق ح ر ۇسىنىستارىن دا قاراستىرىپ جاتىر، بۇل پروتسەسس ءالى اياقتالعان جوق.
2050-جىلعا قاراي تۇركيا جالپى گەنەراتورلىق قۋاتى 15 مىڭ مۆت بولاتىن جالپى 12 رەاكتور سالۋدى جوسپارلاپ وتىر.
قازىرگى ۋاقىتتا روساتوم تۇركياداعى العاشقى اككۋيۋ اتوم ەلەكتر ستانتسياسىنىڭ قۇرىلىسىن جۇرگىزىپ جاتىر.
