رەسەيلىك كلۋب زاينۋتدينوۆقا تاڭدانىسىن ءبىلدىردى
ماسكەۋدىڭ س س ك ا كلۋبى ءوزىنىڭ بۇرىنعى فۋتبولشىسى باحتيەر زاينۋتدينوۆتىڭ قازاقستان قۇراماسىنداعى جەتىستىگىنە قاتىستى پىكىرىن ءبىلدىردى. Kazinform اگەنتتىگى بۇل تۋرالى Sports.kz پورتالىنا سىلتەمە جاساپ حابارلايدى.
«ءبىز بۇل جاڭالىقتى ەلەۋسىز قالدىرا المادىق!» باحتيەر زاينۋتدينوۆ - قازاقستان قۇراماسىنىڭ تاريحىنداعى ۇزدىك بومباردير! 2024 -جىلعى ەۋروپا چەمپيوناتىنىڭ ىرىكتەۋ ماتچىندا باحا فينلياندياعا قاقپاسىنا دۋبل جاساپ، 14 گولمەن ءوز كومانداسىنىڭ تاريحىنداعى ۇزدىك بومباردير اتاندى!» - دەپ جازعان كلۋبىنىڭ باسپا ءسوز قىزمەتى.
ەسكە سالا كەتسەك، فۋتبولدان 2024 -جىلعى ەۋروپا چەمپيوناتىنا ىرىكتەۋ ساتىسىندا قازاقستان قۇراماسى سەگىزىنشى ويىنىن فينلياندياعا قارسى وتكىزىپ، قارسىلاسىنان 2:1 ەسەبىمەن باسىم ءتۇستى.
فينليانديا قۇراماسىن جەڭگەننەن كەيىن قازاقستان 15 ۇپاي جيناپ، H توبىنداعى تۋرنير كەستەسىندە ءۇشىنشى ورىندا تۇر. سەگىز تۋردان كەيىنگى كوماندالاردىڭ كورسەتكىشى كەلەسىدەي: سلوۆەنيا - 19 ۇپاي، دانيا - 19 ۇپاي، قازاقستان - 15 ۇپاي، فينليانديا - 12 ۇپاي، سولتۇستىك يرلانديا - 6 ۇپاي، سان- مارينو - 0 ۇپاي.
اۆتور
زارينا تۋعانبايەۆا